ആലപ്പുഴയിൽ സ്കൂളിൽ സാമൂഹ്യവിരുദ്ധരുടെ ആക്രമണം ; ക്ലാസ് മുറികളും പഠനോപകരണങ്ങളും കൃഷിത്തോട്ടവും നശിപ്പിച്ചു

മുഹമ്മ: ആലപ്പുഴ ജില്ലയിലെ ചാരമംഗലം ഗവൺമെന്റ് സംസ്കൃത ഹൈസ്കൂളിൽ സാമൂഹ്യവിരുദ്ധർ വ്യാപകമായ നാശനഷ്ടങ്ങൾ വരുത്തി. സ്കൂളിലെ ക്ലാസ് മുറികൾ, പഠനോപകരണങ്ങൾ, കൃഷിത്തോട്ടം എന്നിവയാണ് നശിപ്പിക്കപ്പെട്ടത്. തിങ്കളാഴ്ച രാവിലെയാണ് അധികൃതർ അതിക്രമത്തെക്കുറിച്ച് അറിയുന്നത്. സ്കൂളിന്റെ പിന്നിലെ മതിൽ ചാടിക്കടന്ന് വാതിൽ കുത്തിത്തുറന്നാണ് അക്രമികൾ അകത്തുകടന്നത്. ഇവർ രണ്ട് ക്ലാസ് മുറികൾ പൂർണ്ണമായി തകർക്കുകയും പഠനസാമഗ്രികൾ നശിപ്പിക്കുകയും ചെയ്തു.