.jpg)
മലപ്പുറത്ത് ആകാശത്തു നിന്നും 50 കിലോയോളം തൂക്കമുള്ള ഐസ് കട്ട വീടിനു മുകളില് പതിച്ചു
Updated: Dec 9, 2025, 14:58 IST
ആദ്യം വീടിന് ഇടിമിന്നലേറ്റതാണെന്ന് സംശയിച്ചെങ്കിലും വീടിന്റെ മേല്ക്കൂരയില് നിന്ന് ഐസ് പാളികളുടെ അവശിഷ്ടങ്ങള് താഴേക്ക് പതിച്ചതോടെയാണ് സംഭവം മനസ്സിലായത്
മലപ്പുറം : കാളികാവില് ആകാശത്തു നിന്നും വലിയ ഐസ് കട്ട വീടിനു മുകളില് പതിച്ചു. കാളികാവ് മമ്ബാട്ടുമൂലയിലെ ഓട്ടോ ഡ്രൈവര് കൊമ്ബന് ഉമ്മറിന്റെ വീടിനു മുകളില് ഞായറാഴ്ച രാത്രി എട്ടരയോടെയാണ് 50 കിലോയോളം തൂക്കം വരുന്ന ഐസ് കട്ട പതിച്ചത്.കോണ്ക്രീറ്റ് വീടിന് ചെറിയ തോതില് കേടുപറ്റിയിട്ടുണ്ട്.
tRootC1469263">സംഭവം നടക്കുമ്ബോള് വീട്ടുകാർ വീടിനകത്ത് ഉണ്ടായിരുന്നു. വലിയൊരു ശബ്ദം കേട്ടാണ് കുടുംബാംഗങ്ങള് പുറത്തേക്ക് പോയത്. വീഴ്ചയില് ഐസ് കട്ട ചിന്നിച്ചിതറി. ശബ്ദം കേട്ട് നാട്ടുകാര് ഓടിക്കൂടി.
ആദ്യം വീടിന് ഇടിമിന്നലേറ്റതാണെന്ന് സംശയിച്ചെങ്കിലും വീടിന്റെ മേല്ക്കൂരയില് നിന്ന് ഐസ് പാളികളുടെ അവശിഷ്ടങ്ങള് താഴേക്ക് പതിച്ചതോടെയാണ് സംഭവം മനസ്സിലായത്.എന്തായാലും വലിയൊരു അപകടത്തില് നിന്ന് ഭാഗ്യം കൊണ്ടാണ് തങ്ങള് രക്ഷപ്പെട്ടതെന്ന് കുടുംബം വ്യക്തമാക്കി.
