മാലിന്യ ലോറിയിൽ യുവതിയുടെ മൃതദേഹം ; കാലുകൾ കഴുത്തുമായി കെട്ടിയിട്ട നിലയിൽ

ബെംഗളൂരു: കോർപ്പറേഷൻ മാലിന്യ ട്രക്കിൽ നിന്ന്  ബാഗിനുള്ളിലാക്കിയ നിലയിൽ യുവതിയുടെ മൃതശരീരം കണ്ടെത്തി. കാലുകൾ കഴുത്തുമായി കെട്ടിയിട്ട നിലയിൽ മൃതദേഹം കണ്ടെത്തിയത്. ശനിയാഴ്ച രാത്രിയാണ് സംഭവം.

സ്ത്രീക്ക് ഏകദേശം 25-30 വയസ്സ് പ്രായമുണ്ടെന്നാണ് റിപ്പോർട്ട്."ഇന്നലെ രാത്രി, മാലിന്യം ശേഖരിക്കുന്ന ട്രക്കിനുള്ളിൽ ഒരു മൃതദേഹം ഞങ്ങൾ കണ്ടെത്തി. പുലർച്ചെ ഒന്നിനും മൂന്നിനും ഇടയിലായാവണം മൃതദേഹം ബാഗിലാക്കി ആരോ ട്രക്കിനുള്ളിൽ ഉപേക്ഷിച്ചത്," പൊലീസ് ഉദ്യോഗസ്ഥൻ പറഞ്ഞു. മാലിന്യം ശേഖരിക്കുന്ന ട്രക്കിൻ്റെ ഡ്രൈവർ ഇത് ശ്രദ്ധിക്കുകയും പൊലീസിനെ അറിയിക്കുകയുമായിരുന്നു.