വിദ്യാര്‍ത്ഥിയെ ക്ലാസ് മുറിയില്‍ വിവാഹം കഴിക്കുന്ന വീഡിയോ പ്രചരിച്ച സംഭവം ; രാജി പ്രഖ്യാപിച്ച് അധ്യാപിക

teacher
teacher

ബംഗാളിലെ മൗലാനാ അബ്ദുല്‍ കലാം സര്‍വകലാശാലയിലെ അധ്യാപികയായ പായല്‍ ബാനര്‍ജിയാണ് വിദ്യാര്‍ത്ഥിക്കൊപ്പം വിവാഹചടങ്ങുകള്‍ നടത്തുന്ന വീഡിയോയില്‍ പ്രത്യക്ഷപ്പെട്ടത്.

വിദ്യാര്‍ത്ഥിയെ ക്ലാസ് മുറിയില്‍ വിവാഹം കഴിക്കുന്ന വീഡിയോ വ്യാപകമായി പ്രചരിച്ചതോടെ രാജി പ്രഖ്യാപിച്ച് അധ്യാപിക. സര്‍വകലാശാലയുമായി ഇനി ബന്ധം തുടരാന്‍ സാധിക്കില്ലെന്നും രാജിവെക്കുന്നുവെന്നുമാണ് അധ്യാപികയുടെ പ്രതികരണം.

ബംഗാളിലെ മൗലാനാ അബ്ദുല്‍ കലാം സര്‍വകലാശാലയിലെ അധ്യാപികയായ പായല്‍ ബാനര്‍ജിയാണ് വിദ്യാര്‍ത്ഥിക്കൊപ്പം വിവാഹചടങ്ങുകള്‍ നടത്തുന്ന വീഡിയോയില്‍ പ്രത്യക്ഷപ്പെട്ടത്. ക്ലാസ് മുറിയില്‍ വെച്ചാണ് വിദ്യാര്‍ത്ഥിയും അധ്യാപികയും തമ്മില്‍ വിവാഹിതരാകുന്ന നിലയിലുള്ള വീഡിയോ ചിത്രീകരിച്ചിരിക്കുന്നത്. ഇരുവരും തമ്മില്‍ ആദ്യം പൂമാല കൈമാറുകയും തുടര്‍ന്ന് വിദ്യാര്‍ത്ഥി അധ്യാപികയുടെ നെറ്റിയില്‍ സിന്ദൂരം ചാര്‍ത്തുന്നതും വീഡിയോയിലുണ്ട്. വീഡിയോ ശ്രദ്ധയില്‍പ്പെട്ടതോടെ അധ്യാപികയോട് അവധിയില്‍ പോകാന്‍ നേരത്തെ കോളേജ് അധികൃതര്‍ നിര്‍ദേശിച്ചിരുന്നു.

വിമര്‍ശനങ്ങള്‍ കടുത്തതോടെ വീഡിയോയിലുള്ളത് ഫ്രഷേഴ്‌സ് ദിനത്തിലേക്ക് നടത്തുന്ന നാടകത്തിന്റെ ഭാഗമാണെന്ന വാദവുമായി അധ്യാപിക രംഗത്തെത്തിയിരുന്നു. വീഡിയോ വിവാദമാകുമെന്ന് അറിഞ്ഞില്ലെന്നും വീഡിയോ പ്രചരിപ്പിച്ചതിന് പിന്നില്‍ തന്നോട് വ്യക്തിവൈരാ?ഗ്യമുള്ള ചിലരാണെന്നും ഇവര്‍ കൂട്ടിച്ചേര്‍ത്തു. കുറ്റക്കാര്‍ക്കെതിരെ നടപടി സ്വീകരിക്കുമെന്നും പായല്‍ പറഞ്ഞു. അതേസമയം വീഡിയോയില്‍ അന്വേഷണം നടത്താന്‍ മൂന്നംഗ സമിതിയെ അധികൃതര്‍ നിയോ?ഗിച്ചിട്ടുണ്ട്.

Tags