.jpg)
ഡൽഹിയിൽ വേനൽ മഴയ്ക്ക് സാധ്യത
ഡൽഹി: ദേശീയ തലസ്ഥാനത്ത് ഇന്ന് കുറഞ്ഞ താപനില 28.7 ഡിഗ്രി സെൽഷ്യസ് രേഖപ്പെടുത്തി. ഇത് സീസണിലെ ശരാശരിയേക്കാൾ 0.8 ഡിഗ്രി കൂടുതലാണെന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) അറിയിച്ചു. ജൂൺ 28,29 ദിവസങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നും പരമാവധി താപനില 37 ഡിഗ്രി സെൽഷ്യസായി ഉയരുമെന്നും ഐഎംഡി പ്രവചിക്കുന്നു. രാവിലെ 8:30 ന് ആപേക്ഷിക ആർദ്രത 72 ശതമാനമായി രേഖപ്പെടുത്തി.
tRootC1469263">ഇന്ന് രാവിലെ 10 മണിക്ക് വായുവിന്റെ ഗുണനിലവാരം “തൃപ്തികരമായ” വിഭാഗത്തിലായിരുന്നു. വായു ഗുണനിലവാര സൂചിക (AQI) 86 ആണെന്ന് കേന്ദ്ര മലിനീകരണ നിയന്ത്രണ ബോർഡിന്റെ (CPCB) ഡാറ്റ വ്യക്തമാക്കുന്നു.
സിപിസിബിയുടെ കണക്കനുസരിച്ച്, പൂജ്യത്തിനും 50 നും ഇടയിലുള്ള വായു ഗുണനിലവാര സൂചിക ‘നല്ലത്’ എന്നും, 51 മുതൽ 100 വരെ ‘തൃപ്തികരം’ എന്നും, 101 മുതൽ 200 വരെ ‘മിതമായത്’ എന്നും, 201 മുതൽ 300 വരെ ‘മോശം’ എന്നും, 301 മുതൽ 400 വരെ ‘വളരെ മോശം’ എന്നും, 401 മുതൽ 500 വരെ ‘ഗുരുതരം’ എന്നും കണക്കാക്കപ്പെടുന്നു.
