.jpg)
സ്കൂളിലെ നോട്ടീസ് ബോർഡില് നിന്ന് പിൻ എടുത്ത് വിഴുങ്ങിയ ഏഴാം ക്ലാസുകാരൻ മരിച്ചു
ശസ്ത്രക്രിയയിലൂടെ കുട്ടിയുടെ ശ്വാസകോശത്തില് നിന്നും പിൻ നീക്കം ചെയ്തു. എന്നാല് കുട്ടി കോമയിലേക്ക് പോയി. ചികിത്സയില് തുടരുന്നതിനിടെ ഒക്ടോബർ 26 ന് കുട്ടി മരിച്ചു.
ഒഡിഷയിലെ കാണ്ഡമാല് ജില്ലയില് സ്കൂളിലെ നോട്ടീസ് ബോർഡില് നിന്ന് പിൻ എടുത്ത് വിഴുങ്ങിയ ഏഴാം ക്ലാസുകാരൻ മരിച്ചു..ഫുല്ബാനിയിലെ ആദർശ വിദ്യാലയത്തിലെ വിദ്യാർത്ഥി തുഷാർ മിശ്രയാണ് മരിച്ചത്. സംഭവത്തില് അധ്യാപകരുടെ ഭാഗത്ത് വീഴ്ചയുണ്ടായെന്ന് ആരോപിച്ച് കുട്ടിയുടെ കുടുംബം പൊലീസില് പരാതി നല്കി.
tRootC1469263">ഒക്ടോബർ 15 നാണ് സംഭവം നടന്നത്. അബദ്ധത്തിലാണ് കുട്ടി പിൻ വിഴുങ്ങിയതെന്ന് പൊലീസില് നല്കിയ പരാതിയില് വ്യക്തമാക്കുന്നു. തുടർന്ന് കുട്ടിയും സഹപാഠികളും അധ്യാപകരായ സീമയോടും ഫിറോസിനോടും കാര്യം പറഞ്ഞെങ്കിലും ഇവരിത് കാര്യമാക്കി എടുത്തില്ല.
വൈകിട്ട് വീട്ടിലെത്തിയ കുട്ടി വയറുവേദന സഹിക്കാനാകാതെ വന്നതോടെ വീട്ടുകാർ ആശുപത്രിയിലെത്തിച്ചു. ഇതിനോടകം വീട്ടുകാരോട് താൻ പിൻ വിഴുങ്ങിയ കാര്യം കുട്ടി പറഞ്ഞിരുന്നു. എക്സ്റേ പരിശോധനയില് ശ്വാസകോശത്തില് പിൻ കുത്തി നില്ക്കുന്നതായി കണ്ടെത്തി.
കുട്ടിയെ വിദഗ്ധ ചികിത്സക്കായി ഭുവനേശ്വറിലെ ക്യാപിറ്റല് ആശുപത്രിയിലേക്കും പിന്നീട് കട്ടക്കിലെ ശിശു ഭവനിലേക്കും കൊണ്ടുപോയി.ശസ്ത്രക്രിയയിലൂടെ കുട്ടിയുടെ ശ്വാസകോശത്തില് നിന്നും പിൻ നീക്കം ചെയ്തു. എന്നാല് കുട്ടി കോമയിലേക്ക് പോയി. ചികിത്സയില് തുടരുന്നതിനിടെ ഒക്ടോബർ 26 ന് കുട്ടി മരിച്ചു.