‘മുസ്തഫാബാദ്’ ഇനി മുതൽ ‘കബീർധാം’ ; ഉത്തർപ്രദേശിലെ ഒരു ഗ്രാമത്തിന് പുതിയ പേര് നൽകി യോഗി ആദിത്യനാഥ്

ഉത്തർപ്രദേശിലെ ഒരു ഗ്രാമത്തിന് പുതിയ പേര് നൽകി മുഖ്യമന്ത്രി യോഗി ആദിത്യനാഥ്. ലഖിംപൂർ ഖേരി ജില്ലയിലെ മുസ്തഫാബാദ് ഗ്രാമത്തിനാണ് പേര് മാറ്റി നൽകിയത്. ‘മുസ്തഫാബാദ്’ ഇനി മുതൽ ‘കബീർധാം’ എന്ന പേരിൽ അറിയപ്പെടുമെന്ന് മുഖ്യമന്ത്രി യോഗി ആദിത്യനാഥ് പ്രഖ്യാപിച്ചു. മുസ്ലീം ജനസംഖ്യ ഇല്ലാത്ത ഒരു ഗ്രാമത്തിന് മുസ്തഫാബാദ് എന്ന പേര് നൽകിയതിൽ താൻ അത്ഭുതപ്പെട്ടുവെന്ന് പറഞ്ഞ അദ്ദേഹം ഗ്രാമത്തിന്റെ പേര് ‘കബീർധാം എന്ന് പുനർനാമകരണം ചെയ്യാനുള്ള നിർദ്ദേശം നൽകുകയും ചെയ്തു. സ്മൃതി മഹോത്സവ് മേള 2025 ൽ ജനങ്ങളെ അഭിസംബോധന ചെയ്യുന്നതിനിടെയാണ് പേര് മാറ്റനിർദേശം യോഗി ആദിത്യനാഥ് മുന്നോട്ടുവെച്ചത്.