ഭക്ഷണ പ്രേമികൾക്കിത് ദുഃഖവാർത്ത ; തമിഴ്‌നാട്ടിൽ കെഎഫ്സിക്ക് പൂട്ട് വീണു

kfc

മായം കലർത്തിയ ഭക്ഷ്യവസ്തുക്കളുടെ വിതരണവുമായി ബന്ധപ്പെട്ട് പലതരത്തിലുള്ള  വാർത്തകളും നാം കാണാറുണ്ട് .ഭക്ഷ്യവസ്തുക്കളിൽ അപകടകരമായ രാസവസ്തുക്കൾ കലർത്തുന്നതും അവ പിടികൂടുന്നതുമുൾപ്പെടെ  ഇന്ന് സാധാരണ വാർത്തയായി മാറിയിരിക്കുകയാണ് . 

ഫാസ്റ്റ് ഫുഡ് ശൃംഖലകൾക്ക് വിവാദങ്ങൾ  അപരിചിതമല്ല .ഇപ്പോൾ ഇതാ വലിയ പരിചയപ്പെടുത്തലുകളൊന്നും ആവശ്യമില്ലാത്ത ഭക്ഷണപ്രേമികളുടെ ഇഷ്ട വിഭവമായ  കെഎഫ്‌സി ആണ് വിവാദത്തിലകപ്പെട്ടിരിക്കുന്നത് .പഴയ പാചക എണ്ണ ശുദ്ധീകരിക്കുന്നതിന് മഗ്നീഷ്യം സിലിക്കേറ്റ്-സിന്തറ്റിക് എന്ന രാസവസ്തു ചേർത്തതായാണ് ഭക്ഷ്യസുരക്ഷാ വകുപ്പ് ഉദ്യോഗസ്ഥർ കണ്ടെത്തിയിരിക്കുന്നത് .

ഹാർലാൻഡ് സാൻഡേഴ്‌സ് ആണ് ആരെയും കൊതിപ്പിക്കുന്ന കെഎഫ്സി എന്ന ഭക്ഷണവിഭവത്തിന് പിന്നിൽ. 1930കളിൽ പല പ്രതികൂല സാഹചര്യങ്ങളിലും തളരാതെ തന്റെ കഠിനപ്രയത്നത്തിലൂടെ 1980കളിൽ തന്റെ മരണത്തോടടുത്ത സമയം ലോകത്തിലെ ഏറ്റവും ജനപ്രീതിയാർജ്ജിച്ച ഫാസ്റ്റ് ഫുഡ് ശൃംഖലയാക്കി മാറ്റാൻ  ഹാർലാൻഡ് സാൻഡേഴ്‌സ്ന് കഴിഞ്ഞു .ഇന്ന് ലോകമെമ്പാടുമുള്ള 135 രാജ്യങ്ങളിലായി കെഎഫ്‌സിക്ക് 22,600 ഔട്ട്ലെറ്റുകൾ ഉണ്ട്.

തമിഴ്‌നാട്ടിലെ തൂത്തുക്കുടി ജില്ലയിൽ  കെഎഫ്‌സിയുടെ ഔട്ട്‌ലെറ്റിൽ ഭക്ഷ്യസുരക്ഷാ വകുപ്പ് ഉദ്യോഗസ്ഥർ നടത്തിയ പരിശോധനയിൽ  ഞെട്ടിക്കുന്ന കാര്യങ്ങളാണ് കണ്ടെത്തിയത്. പഴയ  പാചക എണ്ണ ശുദ്ധീകരിക്കുന്നതിന്  മഗ്നീഷ്യം സിലിക്കേറ്റ്-സിന്തറ്റിക്  എന്ന  രാസവസ്തു ചേർത്തതായി ഉദ്യോഗസ്ഥർ കണ്ടെത്തി.

 ഇതേ തുടർന്ന് ഭക്ഷ്യസുരക്ഷാ വകുപ്പ് ഉദ്യോഗസ്ഥർ കെഎഫ്സി റസ്റ്റോറന്റിൽ നിന്ന് 18 കിലോ മഗ്നീഷ്യം സിലിക്കേറ്റ് സിന്തറ്റിക്, 45 ലിറ്റർ  പഴകിയ പാചക എണ്ണ എന്നിവ പിടികൂടുകയും റസ്റ്റോറന്റിന്റെ ലൈസൻസ് താൽക്കാലികമായി റദ്ദാക്കുകയും ചെയ്തു. വിവിധ പാനിപൂരി സ്റ്റാളുകളിൽ കൃത്രിമ കളറിംഗ് ഉപയോഗിക്കുന്നുണ്ടെന്ന പരാതിയിൽ ഭക്ഷ്യസുരക്ഷാ വകുപ്പ് ഉദ്യോഗസ്ഥർ പരിശോധന നടത്തിവരികയായിരുന്നു. അതിനിടെയാണ് കെഎഫ്സിയിലെ തട്ടിപ്പ് കണ്ടെത്തിയത്.

kfc
ലാബില്‍ നിർമ്മിക്കുന്ന ഒരു തരം രാസ പദാർത്ഥമാണ് മഗ്നീഷ്യം സിലിക്കേറ്റ് സിന്തറ്റിക്.ഇത് വെളുത്തതും മണമില്ലാത്തതും നേർത്തതുമായ പൊടിയാണ്, ഇത് വെള്ളത്തില്‍ എളുപ്പത്തില്‍ ലയിക്കും.

പല മരുന്നുകളും സൗന്ദര്യവർദ്ധക വസ്തുക്കളും ഉണ്ടാക്കാനും ഭക്ഷണ സാധനങ്ങള്‍ ദീർഘകാലം കേടുകൂടാതെ സൂക്ഷിക്കാനും ഇത് ഉപയോഗിക്കുന്നു.ഇതിന്റെ അമിതമായ ഉപയോഗം ആരോഗ്യത്തെ ഗുരുതരമായി ബാധിക്കും.ഫുഡ് സേഫ്റ്റി ആൻഡ് സ്റ്റാൻഡേർഡ് അതോറിറ്റി ഓഫ് ഇന്ത്യ (എഫ്‌എസ്‌എസ്‌എഐ) ഇന്ത്യയില്‍ മഗ്നീഷ്യം സിലിക്കേറ്റ് സിന്തറ്റിക് നിരോധിച്ചിട്ടുണ്ട്.

അതേ സമയം വിഷയത്തിൽ വിശദീകരണവുമായി കെഎഫ്സി രംഗത്തെത്തിയിട്ടുണ്ട്. പാചകം ചെയ്യുന്നതിന് ശാസ്ത്രീയമായ രീതികളും അന്താരാഷ്ട്ര നിലവാരവും പാലിക്കുന്നതിന് പ്രതിജ്ഞാബദ്ധമാണെന്ന് കെഎഫ്സി ഇന്ത്യ വ്യക്തമാക്കി. പാചകത്തിന് ഉപയോഗിക്കുന്ന എണ്ണ അംഗീകൃത വിതരണക്കാരിൽ നിന്നാണ് വാങ്ങുന്നതെന്നും കെഎഫ്സി വ്യക്തമാക്കി.  

എഫ്എസ്എസ്എഐ മാനദണ്ഡങ്ങൾ അനുസരിച്ച്, മാരിനേറ്റ് ചെയ്ത ചിക്കൻ ഉൾപ്പെടെ എല്ലാ കെഎഫ്സി ചിക്കനും പാകം ചെയ്ത ശേഷം കഴിക്കുന്നത് പൂർണ്ണമായും സുരക്ഷിതമാണ്. നിലവിലെ പ്രശ്‌നത്തിന് അടിയന്തര പരിഹാരം കാണുന്നതിന് അധികൃതരുമായി ചർച്ചകൾ നടത്തിവരികയാണെന്നും കെഎഫ്സി വ്യക്തമാക്കി.  

.

Tags