.jpg)
വോട്ട് കൊള്ള ആരോപണം ; രാഹുല്ഗാന്ധിയ്ക്ക് ഇന്ന് തെരഞ്ഞെടുപ്പ് കമ്മീഷന് മറുപടി നല്കിയേക്കും
വോട്ട് കൊള്ള ആരോപണത്തില് വിവിധ സംസ്ഥാനങ്ങളില് പ്രതിഷേധം ശക്തമാക്കാനാണ് കോണ്ഗ്രസ് നീക്കം.
വോട്ട് കൊള്ള ആരോപണത്തില് രാഹുല് ഗാന്ധിക്ക് ഇന്ന് തെരഞ്ഞെടുപ്പ് കമ്മീഷന് മറുപടി നല്കിയേക്കും. ഹരിയാനയിലെ മുഖ്യ തെരഞ്ഞെടുപ്പ് കമ്മീഷണര് രാഹുലിന് വിശദമായ മറുപടി നല്കുമെന്ന് ഇന്നലെ അറിയിച്ചിരുന്നു. വോട്ടര്പട്ടികയിലെ ക്രമക്കേട് ആരോപിച്ച് ഇതുവരെ പരാതിയൊന്നും ലഭിച്ചില്ലെന്നും, വ്യാജ വോട്ടര്മാരുണ്ടെങ്കില് അത് കേവലം ഒരു പാര്ട്ടിക്ക് മാത്രമല്ല ഗുണമാവുക എന്നും ഇന്നലെ തെരഞ്ഞെടുപ്പ് കമ്മീഷന് വൃത്തങ്ങള് പ്രതികരിച്ചിരുന്നു.
tRootC1469263">അതേസമയം വോട്ട് കൊള്ള ആരോപണത്തില് വിവിധ സംസ്ഥാനങ്ങളില് പ്രതിഷേധം ശക്തമാക്കാനാണ് കോണ്ഗ്രസ് നീക്കം. ഹരിയാനയില് ഇന്ന് പ്രതിഷേധ പരിപാടികള് തുടങ്ങുമെന്ന് കോണ്ഗ്രസ് നേതാക്കള് അറിയിച്ചു.
ഹരിയാനയില് കോണ്ഗ്രസിനെ പരാജയപ്പെടുത്താന് വന് ഗൂഢാലോചന നടന്നു. ഒരു യുവതി 22 തവണ 10 ബൂത്തുകളിലായി വോട്ട് ചെയ്തുവെന്നും സീമ, സ്വീറ്റി, സരസ്വതി എന്നീ പേരുകളിലാണ് വോട്ട് ചെയ്തതെന്നും രാഹുല് ?ഗാന്ധി പറഞ്ഞു. രേഖകള് പ്രദര്ശിപ്പിച്ചു കൊണ്ടായിരുന്നു രാഹുല് ഇക്കാര്യം അവതരിപ്പിച്ചത്. ഇത് കേന്ദ്രീകൃതമായി നടന്ന ഓപ്പറേഷന് ആണെന്നും എട്ടു സീറ്റുകളില് 22 മുതല് നാലായിരം വരെ വോട്ടുകളുടെ വ്യത്യാസത്തിലാണ് പോയതെന്നും രാഹുല് പറഞ്ഞു. 25 ലക്ഷം കള്ള വോട്ടുകള് നടന്നു, 5 ലക്ഷത്തിലധികം ഡ്യൂപ്ലിക്കേറ്റ് വോട്ടുകള് ഉണ്ടായിരുന്നു. 93174 തെറ്റായ വിലാസങ്ങളും 19 ലക്ഷത്തില് അധികം ബള്ക്ക് വോട്ടുകളുമായിരുന്നു. എട്ടില് ഒന്ന് വോട്ടുകള് ഹരിയാനയില് വ്യാജമാണ്. ഇതുകൊണ്ട് 22000 വോട്ടിന് കോണ്ഗ്രസ് തോറ്റുവെന്നും രാഹുല് ?ഗാന്ധി പറഞ്ഞു.
