തലശ്ശേരി ചിക്കൻ ബിരിയാണി തയ്യാറാക്കിയാലോ ?

Thalassery Chicken Biryani

തലശ്ശേരി ചിക്കൻ ബിരിയാണി തയ്യാറാക്കുന്നത് എങ്ങനെ എന്ന് നോക്കാം. 3 വലിയ സവോള , 9 വെളുത്തുള്ളി, 1 കഷ്ണം ഇഞ്ചി, 7 -8 വരെ പച്ച മുളക് , പുതിന ,മല്ലി ഇല, ചേർ നാരങ്ങ, 1.25 തക്കാളി ഇത്രെയും ആദ്യം കട്ട് ചെയ്ത് വെക്കണം. കുറച്ച് ഉള്ളി എണ്ണയിൽ ഫ്രൈ ചെയ്തു എടുക്കുക. അതിലേക്ക് മുന്തിരി, അണ്ടിപരിപ്പും ഫ്രൈ ആക്കുക. അതേ എണ്ണയിൽ തന്നെ ഉള്ളി വഴറ്റണം. ഇഞ്ചി , പച്ച മുളക് , വെളുത്തുള്ളി അരച്ച് കൂടി ചേർക്കുക. ഇളക്കി 900 gm ചിക്കൻ ചേർത്ത് നന്നായി ഇളക്കുക.

തക്കാളി കൂടി ചേർത്ത് ഇളക്കി എടുക്കുക. ഉപ്പും , 1/4 tsp മഞ്ഞൾ പൊടി , 3/4 tbsp ബിരിയാണി മസാല , ചേർക്കുക. മല്ലി ഇല, പുതിന ചേർത്ത് ഇളക്കി എടുക്കുക. നാരങ്ങ നീര് 1 tsp , 2 tsp തൈര് , 1/2 tbsp ഗരം മസാല ചേർത്ത് ഇളക്കി യോജിപ്പിക്കുക. ചിക്കൻ വെന്തു കഴിഞ്ഞാൽ ഫ്രൈ ചെയ്ത ഉള്ളി കുറച്ച് ചേർത്ത് ഇളക്കി എടുക്കുക. ഇനി ചോറ് ഉണ്ടാക്കാനായി 1കുക്കറിൽ 4 കപ്പ് വെള്ളം ഒഴിച്ച് ഉപ്പ്, നെയ്, ബിരിയാണി സ്പൈസസ്, നാരങ്ങ നീര് , 2 കപ്പ് കഴുകി വെളളം ഊറ്റി എടുത്ത അരി ചേർത്ത് കുക്കർ അടച്ചു 2 വിസിൽ വരുന്ന വരെ വേവിക്കുക. അതിനു ശേഷം മസാലയുടെ മുകളിൽ ചോറ് ഇട്ടു വറുത്ത് വെച്ച ഉള്ളി , മുന്തിരി , അണ്ടി പരിപ്പ്, മല്ലില, പുതിന 1 tsp നെയ് ചേർത്ത് 15 ദം ചെയ്തു എടുക്കാം.

Tags