പാലപ്പത്തിനും ഇടിയപ്പത്തിനും ഉഗ്രൻ കോമ്പിനേഷൻ ഇതാ

vegitble stew

ഉള്ളി, ഉരുളക്കിഴങ്ങ്, ക്യാരറ്റ് ഇവ ചെറിയ കഷണങ്ങളായി മുറിച്ചെടുക്കണം. പച്ചമുളക് രണ്ടായി മുറിച്ചെടുക്കണം. ഇഞ്ചി, വെളുത്തുള്ളി എന്നിവ ചതച്ചെടുക്കണം. ഒരു പാന്‍ ചൂടാക്കിയശേഷം അതില്‍ എണ്ണ ചൂടാക്കി അതിലേയ്ക്ക് പട്ട, ഗ്രാമ്പൂ, ചതച്ച ഇഞ്ചി-വെളുത്തുള്ളി, പച്ചമുളക് ഇവ ഇട്ട് വഴറ്റിയെടുക്കണം.

ശേഷം അതിലേയ്ക്ക് സവാളയും ഉരുളകിഴങ്ങും ഇട്ടശേഷം നന്നായി വഴറ്റിയെടുക്കണം. അതിലേയ്ക്ക് പൊടിക്കാത്ത കുരുമുളക് ചേര്‍ക്കുക. കൂടെ ക്യാരറ്റും ചേര്‍ത്തിളക്കുക. ഇതിലേയ്ക്ക് തേങ്ങയുടെ രണ്ടാം പാല്‍ ചേര്‍ത്തുകൊടുക്കണം. ശേഷം അടച്ചു വേവിക്കണം. ഗ്രീന്‍പീസ് ഇഷ്ടമുള്ളവര്‍ക്ക് അതും ചേര്‍ത്തുകൊടുക്കാം.

കഷണങ്ങള്‍ നന്നായി വെന്തുകഴിയുമ്പോള്‍ തേങ്ങയുടെ ഒന്നാം പാല്‍ ചേര്‍ത്തു കൊടുക്കണം. ഇത് തിളച്ചു തുടങ്ങുമ്പോള്‍ തന്നെ തീ അണയ്ക്കണം. കറിവേപ്പിലയും ഉപ്പും ചേര്‍ത്തുകൊടുക്കാം. വെജി ടേബിള്‍ സ്റ്റൂ റെഡി.

Tags