ജയറാമും മീരയും വീണ്ടും ഒന്നിക്കുന്ന ‘മകള്’ 29ന് വരുന്നു
ജയറാമും മീര ജാസ്മിനും കേന്ദ്ര കഥാപാത്രങ്ങളെ അവതരിപ്പിക്കുന്ന സത്യന് അന്തിക്കാട് ചിത്രം ‘മകള്’ റിലീസ് തീയതി പ്രഖ്യാപിച്ചു. ഏപ്രില് 29ന് പെരുന്നാള് റിലീസ് ആയി ചിത്രം തിയേറ്ററുകളില് എത്തും. ജയറാമും മീര ജാസ്മിനും ഒന്നിച്ചെത്തുന്ന സത്യന് അന്തിക്കാട് ചിത്രം എന്ന നിലയില് പ്രഖ്യാപന സമയം മുതല് തന്നെ മകള് പ്രേക്ഷകശ്രദ്ധ നേടിയിരുന്നു.
ആറ് വര്ഷത്തിനു ശേഷമാണ് മീര ജാസ്മിന് പ്രധാന കഥാപാത്രത്തെ അവതരിപ്പിക്കുന്ന ഒരു ചിത്രം പ്രേക്ഷകര്ക്ക് മുന്പില് എത്തുന്നത്. 2008ല് പുറത്തിറങ്ങിയ ഇന്നത്തെ ചിന്താവിഷയം എന്ന ചിത്രത്തിന് ശേഷം മീര ജാസ്മിന് നായികയാവുന്ന സത്യന് അന്തിക്കാട് ചിത്രംകൂടെയാണ് മകള്.
12 വര്ഷത്തിനു ശേഷം ജയറാമും സത്യന് അന്തിക്കാടും ഒരുമിക്കുന്നു എന്ന പ്രത്യേകതയും മകള്ക്കുണ്ട്. 2010ല് പുറത്തിറങ്ങിയ കഥ തുടരുന്നുവാണ് ജയറാം ഒടുവിലായി അഭിനയിച്ച സത്യന് അന്തിക്കാട് ചിത്രം.
2018ല് പുറത്തെത്തിയ ഞാന് പ്രകാശന് ആണ് സത്യന് അന്തിക്കാടിന്റെ സംവിധാനത്തില് പുറത്തിറങ്ങിയ അവസാന ചിത്രം.
ജയറാമിനും മീരയ്ക്കുമൊപ്പം ദേവിക സഞ്ജയ്, ശ്രീനിവാസന്, സിദ്ദിഖ്, നസ്!ലെന്, ഇന്നസെന്റ്, അല്ത്താഫ് സലിം, ജയശങ്കര്, ഡയാന ഹമീദ്, മീര നായര്, ശ്രീധന്യ, നില്ജ ബേബി, ബാലാജി മനോഹര് എന്നിവരും ശ്രദ്ധേയമായ കഥാപാത്രങ്ങളെ കൈകാര്യം ചെയ്യുന്നു.
സെന്ട്രല് പ്രൊഡക്ഷന്സ് നിര്മ്മിച്ചിരിക്കുന്ന ചിത്രത്തിന്റെ തിരക്കഥ ഡോ. ഇഖ്ബാല് കുറ്റിപ്പുറത്തിന്റേതാണ്. എസ് കുമാര് ആണ് ഛായാ?ഗ്രഹണം. സം?ഗീതം വിഷ്ണു വിജയ്, പശ്ചാത്തല സം?ഗീതം രാഹുല് രാജ്, ?ഗാനരചന ഹരിനാരായണന്, എഡിറ്റിം?ഗ് കെ രാജ?ഗോപാല്, കലാസംവിധാനം മനു ജ?ഗത്, വസ്ത്രാലങ്കാരം സമീറ സനീഷ്, ചമയം പാണ്ഡ്യന്, സിങ്ക് സൗണ്ടും സൗണ്ട് ഡിസൈനും അനില് രാധാകൃഷ്ണന്, സഹസംവിധാനം അനൂപ് സത്യന്, പ്രൊഡക്ഷന് കണ്ട്രോളര് ബിജു തോമസ്, സ്റ്റില്സ് എം കെ മോഹനന് (മോമി), അഡീഷണല് സ്റ്റില്സ് റിഷാജ് മുഹമ്മദ്, പരസ്യകല ജയറാം രാമചന്ദ്രന് എന്നിവരാണ് മറ്റ് അണിയറക്കാര്.