‘ഡ്യൂഡ്’ വിദേശ മാർക്കറ്റിൽ നിന്ന് മാത്രം നേടിയത് 27 കോടി

തമിഴകത്തെ പുത്തൻ സൂപ്പർ താരമായ പ്രദീപ് രംഗനാഥൻ്റെ ഏറ്റവും പുതിയ ചിത്രം ‘ഡ്യൂഡ്’ ബോക്‌സ് ഓഫീസിൽ വൻ വിജയം സ്വന്തമാക്കുകയാണ്. റിലീസ് ചെയ്ത് കേവലം ആറ് ദിവസം കൊണ്ടാണ് ചിത്രം 100 കോടി ക്ലബ്ബിൽ ഇടം നേടിയത്. ഇതോടെ നായകനായി അഭിനയിച്ച ആദ്യ മൂന്ന് ചിത്രങ്ങളും 100 കോടി ക്ലബിലെത്തിച്ച നടൻ എന്ന റെക്കോർഡ് പ്രദീപ് രംഗനാഥൻ സ്വന്തമാക്കി. അദ്ദേഹത്തിൻ്റെ ആദ്യ ചിത്രമായ ‘ലവ് ടുഡെ’ 35 ദിവസം കൊണ്ടും, രണ്ടാമത്തെ ചിത്രമായ ‘ഡ്രാഗൺ’ 10 ദിവസം കൊണ്ടുമാണ് 100 കോടി നേടിയത്. നിലവിൽ ‘ഡ്യൂഡ്’ ആഗോളതലത്തിൽ ഏകദേശം 106 കോടി രൂപയാണ് നേടിയിരിക്കുന്നത്. ഇതിൽ വിദേശ വിപണിയിൽ നിന്ന് മാത്രം ചിത്രം 27 കോടി രൂപ നേടി.