.jpg)
‘ബസൂക്ക’യുടെ റിലീസ് തിയ്യതി പുറത്ത്
ആരാധകര് ആകാംക്ഷയോടെ കാത്തിരിക്കുന്ന മമ്മൂട്ടി ചിത്രം ‘ബസൂക്ക’യുടെ റിലീസ് ഡേറ്റ് ഒടുവില് പ്രഖ്യാപിച്ച് ചിത്രത്തിന്റെ അണിയറക്കാര്.
ബസൂക്ക സിനിമയുടെ ഔദ്യോഗിക ഫേസ്ബുക്ക് പേജില് വന്ന പോസ്റ്റ് അനുസരിച്ച് ബസൂക്ക സിനിമ ഫെബ്രുവരി 14നാണ് ഇറങ്ങുന്നത്. ദ ഗെയിം ഓണ് എന്ന പേരിലാണ് പോസ്റ്റര് ഇറങ്ങിയിരിക്കുന്നത്. മാസങ്ങള്ക്ക് മുന്പേ ഷൂട്ടിംഗ് പൂര്ത്തിയായ ബസൂക്ക വളരെ നാളായി റിലീസ് ഡേറ്റ് കാത്തിരിക്കുകയാണ്.
സിനിമയുടെ സംവിധാനം നിര്വഹിക്കുക ഡിനോ ഡെന്നിസ് ആണ്. തിരക്കഥയും ഡിനോ ഡെന്നീസാണ് എഴുതുന്നത്. മമ്മൂട്ടിക്കൊപ്പം ഗൗതം വാസുദേവ് മേനോന് ആദ്യമായി വേഷമിടുന്നു എന്ന പ്രത്യേകത ബസൂക്കയ്ക്കുണ്ട്. ഛായാഗ്രാഹണം നിമേഷ് രവി നിര്വഹിക്കുന്ന ചിത്രത്തില് സണ്ണി വെയ്ന്, ജഗദീഷ്, ഷറഫുദ്ദിന്, സിദ്ധാര്ത്ഥ് ഭരതന്, ഡീന് ഡെന്നിസ്, സ്ഫടികം ജോര്ജ്, ദിവ്യാ പിള്ള, ഷൈന് ടോം ചാക്കോ എന്നിവരും മമ്മൂട്ടിക്കൊപ്പം പ്രധാന വേഷങ്ങളില് ഉണ്ട്.
