നിങ്ങളുടെ വീട്ടിലെ പൂജാമുറി ഇങ്ങനെയാണോ? വീട്ടിൽ ഐശ്വര്യം നിറയാൻ ഈ കാര്യങ്ങൾ ശ്രദ്ധിച്ചാൽ മതി


വിശ്വാസികൾ ഏറെ പ്രാധാന്യം കൽപ്പിക്കുന്ന ഒരു മുറിയാണ് പൂജാമുറി .വീട്ടിലുള്ളവർക്ക് പോസിറ്റിവ് എനർജിയും അനുഗ്രഹവും ലഭിക്കുന്ന രീതിയിലാണ് പൂജാമുറികൾ നിര്മിക്കാറുള്ളത് . പൂജാമുറിയിൽ വിഗ്രഹങ്ങള് വയ്ക്കുമ്പോഴും പൂജാക്രമങ്ങള് ചെയ്യുമ്പോഴുമെല്ലാം പല ചിട്ടകളും പാലിക്കേണ്ടിയിരിക്കുന്നു.വീട്ടിൽ ഐശ്വര്യം നിറയാൻ ഈ കാര്യങ്ങൾ ശ്രദ്ധിച്ചാൽ മതി ...
# വീട്ടില് പൂജാമുറി തറയില് നിന്നും അല്പം ഉയര്ന്ന് നിര്മിക്കുന്നതാണ് നല്ലത്. ഒരാൾ നിൽക്കുമ്പോൾ അയാളുടെ നെഞ്ചോളം ഉയരത്തില് എത്താവുന്ന വിധത്തിലാകണം വിഗ്രഹം വയ്ക്കേണ്ടത്.
# പൂജാമുറിയില് ഇരിയ്ക്കാനും നില്ക്കാനുമുള്ള സൗകര്യം ആവശ്യത്തിനു വെളിച്ചവും ലൈറ്റുമെല്ലാം ഉണ്ടായിരിക്കണം. അധികം തണുപ്പോ ചൂടോ മുറിയിൽ പാടില്ല
# കഴിവതും മരത്തില് തന്നെ പൂജാമുറി പണിയുക ഇത് പോസറ്റീവ് ഊര്ജം നിറയ്ക്കാന് നിങ്ങളെ സഹായിക്കും. അല്ലെങ്കില് മാര്ബിള് ഉപയോഗിക്കാവുന്നതാണ്.
# തെക്കു കിഴക്കു ദിശയിലായി വിളക്കുകള് കത്തിക്കുന്നത് പൊസറ്റീവ് ഊര്ജത്തിനോടൊപ്പം ഐശ്വര്യവും കൊണ്ട് വരുന്നു. കൂടാതെ പൂജാമുറിയില് വര്ണലൈറ്റുകള് ഇടാം.

# ബാത്റൂമും അടുക്കളയും ഇല്ലെങ്കില് വീടിന്റെ വടക്കുകിഴക്കാണ് പൂജാമുറി നിര്മിയ്ക്കാന് ഏറ്റവും ഉചിതം
# കിഴക്കു ദിശയിലേയ്ക്കഭിമുഖമായോ പടിഞ്ഞാറോട്ടഭിമുഖമായോ തിരിഞ്ഞു നിന്നു പ്രാര്ത്ഥിയ്ക്കുന്നതാണ് ഏറ്റവും ഗുണകരം
# പൂജാമുറിയില് ചെമ്പ് പാത്രത്തിലെ വെള്ളം വയ്ക്കുന്നതു നല്ലതാണ്. ഇത് ദിവസവും മാറ്റുകയും വേണം. വെള്ളത്തിന്റെ പിരമിഡ് പൂജാമുറിയില് സൂക്ഷിയ്ക്കുന്നതു ഗുണകരം
# മരിച്ചവരുടെ ഫോട്ടോകളും മറ്റും പൂജാമുറിയില് സൂക്ഷിക്കാൻ പാടുള്ളതല്ല
# പൂജാമുറി പ്രാര്ത്ഥനയ്ക്കു മാത്രം ഉപയോഗിയ്ക്കുക.
പൂജാമുറികളില് തകര്ന്ന ചിത്രങ്ങളോ വിഗ്രഹങ്ങളോ സ്ഥാപിക്കാന് പാടില്ല. ഇളം നിറത്തിലുള്ള പെയിന്റുകൾ അടിക്കുക. ഇത് പൂജാമുറിയിൽ ശാന്തമായ അന്തരീക്ഷം നിറയ്ക്കും. ഇളം നിറത്തിലുള്ള ഷേഡുകള് സൂര്യപ്രകാശത്തെ പ്രതിഫലിപ്പിക്കുകയും പോസിറ്റീവ് എനര്ജി നല്കുകയും ചെയ്യുന്നു.