കർണാടകയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച രണ്ടുപേർ പിടിയിൽ
Feb 5, 2025, 18:50 IST


ബെംഗളൂരു: കർണാടകയിൽ പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത് ദൃശ്യങ്ങൾ പകർത്തിയ സംഭവത്തിൽ രണ്ട് പേർ അറസ്റ്റിലായി. എൻ. സുലൈമാൻ (35), കെ. അൽത്താഫ് (30) എന്നിവരാണ് അറസ്റ്റിലായത്. കഴിഞ്ഞ ഡിസംബറിൽ നരേഗൽ പൊലീസ് സ്റ്റേഷൻ പരിധിയിലാണ് അതിക്രമം നടന്നതെന്ന് പൊലീസ് പറഞ്ഞു.
അതേസമയം പ്രതി സുലൈമാൻ പെൺകുട്ടിയെ ബലാത്സംഗം ചെയ്തതായും ഇയാളുടെ കൂട്ടാളിയായ അൽതാഫ് ചിത്രങ്ങൾ പകർത്തിയതായും പൊലീസ് പറഞ്ഞു. മകൾ ആക്രമിക്കപ്പെട്ട വിവരം പെൺകുട്ടിയുടെ മാതാപിതാക്കൾ അടുത്തിടെയാണ് അറിയുന്നത്. തുടർന്നാണ് നരേഗൽ പൊലീസിൽ പരാതി നൽകിയത്.