ആലപ്പുഴയിൽ മുക്കുപണ്ടം വെച്ച് പണം തട്ടിയ പ്രതി അറസ്റ്റിൽ
Feb 4, 2025, 20:12 IST


ആലപ്പുഴ: സഹകരണ ബാങ്കിൽ മുക്കുപണ്ടം പണയം വെച്ച് പണം തട്ടിയ കേസിൽ ഒളിവിലായിരുന്ന പ്രതിയെ നോർത്ത് പൊലീസ് പിടികൂടി. അവലൂക്കുന്നു തെക്കേവീട്ടിൽ അജിത്ത് മോൻ (30) ആണ് അറസ്റ്റിലായത്. ആര്യാട് പഞ്ചായത്ത് സഹകരണ ബാങ്കിൽ നിന്നുമാണ് ഇയാൾ പണം തട്ടിയത്.
സമാനകേസിൽ 6 മാസം മുൻപ് ഇയാളെ പൊലീസ് പിടികൂടിയിരുന്നു. പ്രതി കൂടുതൽ തട്ടിപ്പ് നടത്തിയിട്ടുണ്ടോ എന്നും അന്വേഷിച്ചു വരികയാണ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.ആലപ്പുഴ നോർത്ത് പൊലീസ് ഇൻസ്പെക്ടർ എംകെ രാജേഷും സംഘവുമാണ് പ്രതിയെ പിടികൂടിയത്. എസ് ഐമാരായ ജേക്കബ്, കൃഷ്ണലാൽ എന്നിവരും സംഘത്തിലുണ്ടായിരുന്നു