ലോകകപ്പ് അമേരിക്കയിൽനിന്ന് മെക്സിക്കോയിലേക്കു മാറ്റിയാൽ കളിക്കാം: ഇറാൻ
മെക്സിക്കോ സിറ്റി: ഫിഫ 2026 ലോകകപ്പ് ഫുട്ബോളിന് 85 ദിനങ്ങളുടെ അകലം മാത്രമുള്ളപ്പോൾ ഇറാൻ കളിക്കുമോ എന്നതിൽ ഇതുവരെ തീരുമാനമായിട്ടില്ല. അമേരിക്കയും ഇസ്രയേലും സംയുക്തമായി നടത്തുന്ന വ്യോമാക്രമണത്തെത്തുടർന്ന്, ഫിഫ ലോകകപ്പിൽ ടീം കളിക്കില്ലെന്ന് ഇറാൻ സ്പോർട്സ് മന്ത്രി കഴിഞ്ഞ ആഴ്ച പറഞ്ഞിരുന്നു.
എന്നാൽ, ഏറ്റവും പുതിയ വിവരം അനുസരിച്ച്, ഇറാൻറെ മത്സരങ്ങൾ അമേരിക്കയിൽനിന്ന് മെക്സിക്കോയിലേക്കു മാറ്റണമെന്ന് ഇറാൻ ഫുട്ബോൾ ഫെഡറേഷൻ പ്രസിഡൻറ് മെഹ്ദി താജ് ആവശ്യപ്പെട്ടു. അമേരിക്കയിൽ കളിക്കില്ലെന്ന ഇറാൻറെ നിലപാടിന് മെഹ്ദി താജ് അടിവരയിട്ടു. അമേരിക്ക, മെക്സിക്കോ, കാനഡ എന്നീ രാജ്യങ്ങൾ സംയുക്തമായാണ് 2026 ഫിഫ ലോകകപ്പിന് ആതിഥേയത്വം വഹിക്കുന്നത്.