പശ്ചിമേഷ്യൻ സംഘർഷം ; യൂറോപ്പിലേക്കും യുഎസിലേക്കും എയർ ഇന്ത്യയുടെ അധിക സർവീസ്

 കൊച്ചി: പശ്ചിമേഷ്യൻ സംഘർഷം കണക്കിലെടുത്ത് യൂറോപ്പിലേക്കും യുഎസിലേക്കുമുള്ള റൂട്ടുകളിൽ നാളെ മുതൽ 18 വരെ എയർ ഇന്ത്യ 78 അധിക സർവീസുകൾ നടത്തും. 

ന്യൂയോർക്ക്, ലണ്ടൻ, ഫ്രാങ്ക്ഫർട്ട്, ആംസ്റ്റർഡാം, സൂറിക്, പാരിസ് എന്നിവയ്ക്കു പുറമേ കൊളംബോ, മാലെ എന്നിവിടങ്ങളിലേക്കും ഡൽഹിയിൽ നിന്ന് അധിക സർവീസ് നടത്തും. 17,660 സീറ്റുകളാണ് ഈ അധിക സർവീസുകളിൽ ആകെയുണ്ടാവുക.