വ്ളാദിമിര് പുടിന് ഇന്ന് ഇന്ത്യയില്, ഡല്ഹിയില് കനത്ത സുരക്ഷ
വൈകിട്ട് 7 മണിയോടെ ഇന്ത്യയില് എത്തുന്ന റഷ്യന് പ്രസിഡന്റ് ഇന്ന് പ്രധാനമന്ത്രിയുടെ അത്താഴവിരുന്നില് പങ്കെടുക്കും.
പുടിനൊപ്പം റഷ്യയുടെ പ്രതിരോധ-ധനകാര്യ മന്ത്രിമാരും കേന്ദ്രബാങ്ക് ഗവര്ണറും പങ്കെടുക്കും.
റഷ്യന് പ്രസിഡന്റ് വ്ളാദിമിര് പുടിന് ഇന്ന് ഇന്ത്യയില്. ഇരുപത്തിമൂന്നാമത് ഇന്ത്യ-റഷ്യ വാര്ഷിക ഉച്ചകോടിയില് പങ്കെടുക്കും. നാളെയാണ് പ്രധാനമന്ത്രി നരേന്ദ്ര മോദിയുമായുള്ള നിര്ണായക കൂടിക്കാഴ്ച. തന്ത്രപ്രധാന കരാറുകളില് ഒപ്പ് വയ്ക്കും. പുടിനൊപ്പം റഷ്യയുടെ പ്രതിരോധ-ധനകാര്യ മന്ത്രിമാരും കേന്ദ്രബാങ്ക് ഗവര്ണറും പങ്കെടുക്കും.
വൈകിട്ട് 7 മണിയോടെ ഇന്ത്യയില് എത്തുന്ന റഷ്യന് പ്രസിഡന്റ് ഇന്ന് പ്രധാനമന്ത്രിയുടെ അത്താഴവിരുന്നില് പങ്കെടുക്കും. നാളെ രാജ്ഘട്ട് സന്ദര്ശിക്കും ശേഷം ഹൈദരാബാദ് ഹൗസില് പ്രധാനമന്ത്രി നരേന്ദ്രമോദിയുമായി പ്രാദേശിക ആഗോള വിഷയങ്ങള് ചര്ച്ച ചെയ്യും. തന്ത്രപരമായ ഇടപാടുകളും ഉഭയകക്ഷി ബന്ധവും കൂടുതല് ശക്തമാക്കുന്നതിനുള്ള കരാറുകളില് ഇരു രാജ്യങ്ങളും തമ്മില് ഒപ്പുവച്ചേക്കും. ശേഷം രാഷ്ട്രപതി ദൗപതി മുര്മു നല്കുന്ന അത്താഴ വിരുന്നിലും പങ്കെടുക്കും.
റഷ്യന് പ്രസിഡന്റ് വ്ലാദിമിര് പുടിന്റെ ഇന്ത്യാ സന്ദര്ശനത്തോട് അനുബന്ധിച്ച് രാഷ്ട്രതലസ്ഥാനത്ത് പാഴുതടച്ച സുരക്ഷയാണ് ഒരുക്കിയിക്കുന്നത്. റഷ്യയുടെ പ്രസിഡന്ഷ്യല് സെക്യൂരിറ്റി സര്വീസിനൊപ്പം എന്എസ്ജി കമാന്ഡോകളും ചേര്ന്നാണ് സുരക്ഷ ഒരുക്കിയിരിക്കുന്നത്.