ട്രംപ് നോബേല് സമ്മാന നോമിനികളുടെ പട്ടികയില് ഉള്പ്പെട്ടേക്കുമെന്ന് റിപ്പോര്ട്ട്
ഈ വര്ഷം ഒക്ടോബര് 9-നാണ് സമാധാനത്തിനുള്ള നോബേല് സമ്മാനം പ്രഖ്യാപിക്കുന്നത്
May 1, 2026, 13:00 IST
സംഘര്ഷങ്ങള് പരിഹരിക്കുന്നതിനുള്ള ട്രംപിന്റെ ഇടപെടലുകള് പരിഗണിച്ചാണ് നോബേല് സമാധാന സമ്മാനത്തിന് ട്രംപിനെ നേതാക്കള് നാമനിര്ദ്ദേശം ചെയ്തിട്ടുള്ളത്.
അമേരിക്കന് പ്രസിഡന്റ് ഡോണള്ഡ് ട്രംപ് നോബേല് സമ്മാന നോമിനികളുടെ പട്ടികയില് ഉള്പ്പെട്ടേക്കുമെന്ന് റിപ്പോര്ട്ട്. റോയിട്ടേഴ്സ് ആണ് റിപ്പോര്ട്ട് പുറത്തുവിട്ടിരിക്കുന്നത്. കംബോഡിയ, ഇസ്രയേല്, പാകിസ്താന് തുടങ്ങിയ രാജ്യങ്ങളിലെ ഭരണാധികാരികള് ട്രംപിനെ നോബേല് സമ്മാനത്തിന് നാമനിര്ദ്ദേശം ചെയ്തതായി വ്യക്തമാക്കിയിരുന്നു. സംഘര്ഷങ്ങള് പരിഹരിക്കുന്നതിനുള്ള ട്രംപിന്റെ ഇടപെടലുകള് പരിഗണിച്ചാണ് നോബേല് സമാധാന സമ്മാനത്തിന് ട്രംപിനെ നേതാക്കള് നാമനിര്ദ്ദേശം ചെയ്തിട്ടുള്ളത്.
നോര്വീജിയന് നോബേല് കമ്മിറ്റിക്കു മുന്നില് 287 നോമിനേഷനുകളാണ് ഇതുവരെ ലഭിച്ചിട്ടുള്ളത്. നോമിനേഷന് ലഭിച്ചവരുടെ വിവരം 50 വര്ഷത്തേക്ക് കമ്മിറ്റി പുറത്തുവിടാറില്ല. ഈ വര്ഷം ഒക്ടോബര് 9-നാണ് സമാധാനത്തിനുള്ള നോബേല് സമ്മാനം പ്രഖ്യാപിക്കുന്നത്