നീരവ് മോദിക്ക് തിരിച്ചടി ; ഇന്ത്യക്ക് കൈമാറുന്നതിനെതിരെ നല്കിയ അപ്പീലില് ഇടപെടാതെ ലണ്ടന് കോടതി
താന് ഇന്ത്യന് അന്വേഷണ ഏജന്സികളുടെ കസ്റ്റഡിയില് പീഡനത്തിന് ഇരയാകും എന്നായിരുന്നു നീരവിന്റെ വാദം.
പഞ്ചാബ് നാഷണല് ബാങ്കില് നിന്ന് പതിനൊന്നായിരം കോടി രൂപയുടെ വായ്പ തട്ടിപ്പ് നടത്തി 2018 ലാണ് നീരവ് മോദി രാജ്യം വിട്ട് ബ്രിട്ടനിലേക്ക് രക്ഷപ്പെട്ടത്
വായ്പ തട്ടിപ്പ് നടത്തി ബ്രിട്ടനിലേക്ക് കടന്ന വജ്രവ്യാപാരി നീരവ് മോദിക്ക് തിരിച്ചടി. ഇന്ത്യക്ക് കൈമാറുന്നതിനെതിരെ നീരവ് മോദി നല്കിയ അപ്പീലില് ഇടപെടാതെ ലണ്ടന് കോടതി. ഇതോടെ നീരവിനെ ഇന്ത്യയിലേക്ക് എത്തിക്കാനുള്ള ഏജന്സി നീക്കങ്ങള് വേഗത്തിലാക്കാം. താന് ഇന്ത്യന് അന്വേഷണ ഏജന്സികളുടെ കസ്റ്റഡിയില് പീഡനത്തിന് ഇരയാകും എന്നായിരുന്നു നീരവിന്റെ വാദം.
പഞ്ചാബ് നാഷണല് ബാങ്കില് നിന്ന് പതിനൊന്നായിരം കോടി രൂപയുടെ വായ്പ തട്ടിപ്പ് നടത്തി 2018 ലാണ് നീരവ് മോദി രാജ്യം വിട്ട് ബ്രിട്ടനിലേക്ക് രക്ഷപ്പെട്ടത്. പിഎന്ബി അഴിമതി പുറത്തുവരികയും വിവിധ ഏജന്സികള് അന്വേഷണം ആരംഭിക്കുകയും ചെയ്തതോടെയാണ് നീരവ് മോദി ഇന്ത്യ വിട്ടത്. തട്ടിപ്പിലൂടെ നേടിയ പണം നീരവ് മോദി വിദേശത്തേക്ക് കടത്തിയെന്നാണ് സംശയം. പഞ്ചാബ് നാഷണല് ബാങ്കില് നിന്ന് വ്യാജ കത്തുകള് സൃഷ്ടിച്ച് സ്വന്തം കമ്പനികളിലേക്ക് പണം തട്ടിയെന്നാണ് നീരവ് മോദിക്കെതിരായ കേസ്. നീരവ് മോദിയും ബന്ധുവായ മെഹുല് ചോക്സിയും ചേര്ന്ന് 14000 ത്തോളം കോടി രൂപയുടെ വായ്പ തട്ടിയെന്ന് റിപ്പോര്ട്ട്.