അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ പതിനഞ്ച് ഇന ഗാസ സമാധാന പദ്ധതി ഇസ്രായേല്‍ തള്ളിക്കളഞ്ഞു. ഹമാസ് പൂര്‍ണ്ണമായി നിരായുധീകരിക്കപ്പെടുന്നത് വരെ തങ്ങളുടെ സൈന്യത്തെ പ്രവിശ്യയില്‍ നിന്ന് പിന്‍വലിക്കില്ലെന്ന് പ്രധാനമന്ത്രി ബെഞ്ചമിന്‍ നെതന്യാഹു വ്യക്തമാക്കി.

ഹമാസ് യഥാര്‍ത്ഥത്തില്‍ നിരായുധീകരിക്കപ്പെടുന്നത് വരെ ഇസ്രായേല്‍ സൈന്യം യാതൊരുവിധ പിന്മാറ്റവും നടത്തുകയില്ലെന്നും, തങ്ങളുടെ സേനയ്ക്കും പൗരന്മാര്‍ക്കും എതിരെയുള്ള ഭീഷണികള്‍ തടയുന്നത് തുടരുമെന്നും കാബിനറ്റ് യോഗത്തില്‍ സംസാരിക്കവെ നെതന്യാഹു പറഞ്ഞു.
ഗാസ യുദ്ധം അവസാനിപ്പിക്കാനുള്ള ട്രംപിന്റെ ശ്രമങ്ങളുടെ പ്രധാന ഘടകത്തെയാണ് നെതന്യാഹു തള്ളിക്കളഞ്ഞിരിക്കുന്നത്. ഇസ്രായേല്‍ സൈന്യം പിന്‍വാങ്ങുന്നതിന് മുമ്പ് ഹമാസ് ആയുധങ്ങള്‍ താഴെ വെക്കണമെന്ന് ഇസ്രായേല്‍ ആവശ്യപ്പെടുന്നു.