അമേരിക്കൻ സൈനിക താവളങ്ങളിൽ ഇറാൻ നടത്തിയ ആക്രമണങ്ങളിൽ വ്യാപക നാശനഷ്ടം

 പശ്ചിമേഷ്യയിലെ വിവിധ അമേരിക്കൻ സൈനിക താവളങ്ങളിൽ ഇറാൻ നടത്തിയ മിസൈൽ, ഡ്രോൺ ആക്രമണങ്ങളിൽ കെട്ടിടങ്ങൾക്കും വാഹനങ്ങൾക്കും വൻ നാശനഷ്ടം സംഭവിച്ചതായി വെളിപ്പെടുത്തുന്ന ചിത്രങ്ങൾ സിബിഎസ് ന്യൂസ് പുറത്തുവിട്ടു. കർശനമായ മാധ്യമ നിയന്ത്രണങ്ങൾ കാരണം പേരു വെളിപ്പെടുത്താൻ ആഗ്രഹിക്കാത്ത സജീവ സേനാംഗങ്ങളാണ് ഈ ചിത്രങ്ങൾ മാധ്യമങ്ങൾക്ക് കൈമാറിയത്. 

തങ്ങളുടെ താവളങ്ങൾക്കുണ്ടായ വലിയ നാശനഷ്ടങ്ങളെക്കുറിച്ച് അമേരിക്കൻ ജനതയോട് സർക്കാർ കാര്യമായി ആശയവിനിമയം നടത്തിയിട്ടില്ലെന്നും തങ്ങൾ കണ്ണ് അടച്ചുപിടിച്ച് മർദ്ദനം ഏൽക്കുന്ന അവസ്ഥയിലാണെന്നും ഒരു സൈനികൻ വെളിപ്പെടുത്തി.

ഇറാൻ ആക്രമണങ്ങളിൽ ഏകദേശം 60 വിമാനങ്ങൾ ഉൾപ്പെടെ 3.7 ബില്യൺ ഡോളർ വരെയുള്ള ഉപകരണങ്ങൾ അമേരിക്കയ്ക്ക് നഷ്ടപ്പെട്ടതായി പ്രതിരോധ വകുപ്പിന്റെ ഇൻസ്‌പെക്ടർ ജനറലിന്റെ റിപ്പോർട്ട് വെളിപ്പെടുത്തുന്നു.