യുഎസില് മക്കളെ കൊലപ്പെടുത്തിയ ഇന്ത്യന് യുവതി അറസ്റ്റില്
ചൊവ്വാഴ്ച വൈകീട്ട് ജോലി കഴിഞ്ഞ് വീട്ടിലെത്തിയ കുട്ടികളുടെ പിതാവാണ് അബോധാവസ്ഥയില് മക്കളെ ആദ്യം കണ്ടത്.
കൊല്ലപ്പെട്ടത് അഞ്ചും ഏഴും വയസ്സുള്ള കുട്ടികള്
അമേരിക്കയിലെ ന്യൂജഴ്സിയില് രണ്ടു മക്കളെ കൊലപ്പെടുത്തിയ സംഭവത്തില് ഇന്ത്യന് വനിത അറസ്റ്റില്. ഹില്സ്ബറോയിലെ വസതിയില് അഞ്ചും ഏഴും വയസ്സുള്ള കുട്ടികളെ മരിച്ച നിലയില് കണ്ടെത്തിയതിനെ തുടര്ന്ന് 35 കാരിയായ പ്രിയദര്ശനി നടരാജനെ പൊലീസ് പിടികൂടി. കൊലപാതകം, മാരക ആയുധം കൈവശംവക്കല് തുടങ്ങിയ കുറ്റങ്ങളാണ് ചുമത്തിയിരിക്കുന്നത്.
ചൊവ്വാഴ്ച വൈകീട്ട് ജോലി കഴിഞ്ഞ് വീട്ടിലെത്തിയ കുട്ടികളുടെ പിതാവാണ് അബോധാവസ്ഥയില് മക്കളെ ആദ്യം കണ്ടത്. തുടര്ന്ന് 6.45 ഓടെ പൊലീസിനെ വിളിച്ചു. ഷെല് കോര്ട്ടിലെ വീട്ടിലെത്തിയ പൊലീസ് ഉദ്യോഗസ്ഥര് കുട്ടികളെ കിടപ്പുമുറിയില് അനക്കമില്ലാത്ത നിലയില് കണ്ടെത്തുകയായിരുന്നു. ജീവന് രക്ഷിക്കാനുള്ള ശ്രമം ഫലം കണ്ടില്ല. രണ്ടു കുട്ടികളും സംഭവ സ്ഥലത്തുവച്ചുതന്നെ മരിച്ചതായി സ്ഥിരീകരിച്ചു.
പ്രിയദര്ശനിയെ അറസ്റ്റ് ചെയ്ത് സോമര്സെറ്റ് കൗണ്ടി ജയിലിലേക്ക് മാറ്റി. സംഭവത്തില് വിശദമായ അന്വേഷണം നടന്നുവരികയാണ്.