സൗദി തീരത്തിന് സമീപം കപ്പലിന് നേരെ ആക്രമണം; ജീവനക്കാർ സുരക്ഷിതർ

സൗദി അറേബ്യയിലെ റാസ് അൽ ഖഫ്ജിക്ക് കിഴക്കായി കടലിലൂടെ സഞ്ചരിച്ചിരുന്ന ടാങ്കറിന് നേരെ രണ്ട് അജ്ഞാത പ്രൊജക്ടൈലുകൾ പതിച്ചതായി യുകെ മാരിടൈം ട്രേഡ് ഓപ്പറേഷൻസ് അറിയിച്ചു. കപ്പലിന്റെ ഇടതുവശത്താണ് ആക്രമണമുണ്ടായതെന്നാണ് റിപ്പോർട്ട്.

സംഭവത്തിൽ കപ്പലിലുണ്ടായിരുന്ന ജീവനക്കാരെല്ലാം സുരക്ഷിതരാണെന്നാണ് അധികൃതർ വ്യക്തമാക്കിയത്. കടലിൽ എണ്ണച്ചോർച്ചയോ പരിസ്ഥിതി നാശമോ റിപ്പോർട്ട് ചെയ്തിട്ടില്ലെന്നും റിപ്പോർട്ടുകൾ പറയുന്നു.

ഗൾഫ് മേഖലയിലെ സംഘർഷാവസ്ഥയ്ക്കിടെയാണ് പുതിയ സംഭവം. കപ്പലിന് നേരെയുണ്ടായ ആക്രമണത്തിന്റെ ഉറവിടം സംബന്ധിച്ച വിവരങ്ങൾ പുറത്തുവന്നിട്ടില്ല.