ബംഗ്ലാദേശില് ഭൂചലനമുണ്ടായതിന്റെ തുടര്ചലനങ്ങള് ഇന്ത്യയിലും; ജാഗ്രതാ നിർദ്ദേശം
തുടര്ചലനങ്ങള് പശ്ചിമ ബംഗാളിലും കൊല്ക്കത്തയിലും അനുഭവപ്പെട്ടതായും റിപ്പോർട്ടുകളുണ്ട്.
കൊല്ക്കത്ത: ബംഗ്ലാദേശില് ഉണ്ടായ ഭൂചലനത്തിന്റെ തുടര്ചലനങ്ങള് ഇന്ത്യയിലും രൂപപ്പെട്ടു. തുടർന്ന് ജാഗ്രതാ നിർദ്ദേശം പുറപ്പെടുവിച്ചിരിക്കുകയാണ് കാലാവസ്ഥ വിഭാഗം. തുടര്ചലനങ്ങള് പശ്ചിമ ബംഗാളിലും കൊല്ക്കത്തയിലും അനുഭവപ്പെട്ടതായും റിപ്പോർട്ടുകളുണ്ട്. ഇന്ന് ഉച്ച തിരിഞ്ഞ് കൊല്ക്കത്തയിലും ബംഗാളിലെ വിവിധ ജില്ലകളിലും അനുഭവപ്പെട്ടതായി ഇന്ത്യന് കാലാവസ്ഥാ വകുപ്പ് അറിയിച്ചു.
ബംഗ്ലാദേശില് റിക്ടര് സ്കെയിലില് 5.5 തീവ്രത രേഖപ്പെടുത്തിയ ഭൂചലനമുണ്ടായതായാണ് റിപ്പോര്ട്ടുകള്. ഭൂമിയുടെ ഉപരിതലത്തില് നിന്ന് 10 കിലോമീറ്റര് താഴ്ചയിലാണ് ഭൂചലനത്തിന്റെ പ്രഭവകേന്ദ്രം. കൊല്ക്കത്തയില് നിന്ന് ഏകദേശം 100 കിലോമീറ്റര് അകലെ ബംഗ്ലാദേശിലെ നയാബസാര് എന്ന സ്ഥലമാണ് ഭൂചലനത്തിന്റെ പ്രഭവകേന്ദ്രം.ഭൂചലനത്തില് ആള്നാശമോ, മറ്റ് നാശനഷ്ടങ്ങളോ ഉണ്ടായിട്ടില്ലെന്നാണ് റിപ്പോര്ട്ട്.