ഒമാനിലെ ഗ്രാമീണ ഭംഗി നിറഞ്ഞ വ​കാ​ൻ ഗ്രാ​മം സഞ്ചാരികളുടെ പ്രിയ കേന്ദ്രമായി മാറിക്കൊണ്ടിരിക്കുകയാണ്. കഴിഞ്ഞ വർഷം മാത്രം 39,976 പേർ ഇവിടെ സന്ദർശിച്ചതായി കണക്കുകൾ വ്യക്തമാക്കുന്നു. 2024ൽ 36,759 പേരും 2023ൽ 35,302 പേരുമാണ് ഗ്രാമം സന്ദർശിച്ചത്. സ്വദേശികളും പ്രവാസികളും വിദേശ സഞ്ചാരികളും ഉൾപ്പെടെ തെക്കൻ ബാത്തിന ഗവർണറേറ്റിലെ നഖൽ വിലായത്തിലെ ഈ ഗ്രാമത്തിലേക്ക് ഓരോ വർഷവും കൂടുതൽ ആളുകൾ എത്തുന്നുവെന്നതാണ് ശ്രദ്ധേയം.

ഗ്രാമത്തിന്റെ വർധിച്ചുവരുന്ന ടൂറിസം പ്രാധാന്യമാണ് ഈ ഉയർച്ചയ്ക്ക് പ്രധാന കാരണം. കൃഷിപാതകളിലൂടെയും മലനിരകളിലൂടെയും നടക്കുന്ന ട്രെക്കിംഗ് അനുഭവങ്ങൾ ഉൾപ്പെടെ സാഹസിക സഞ്ചാരികളെ ലോകത്തിന്റെ വിവിധ ഭാഗങ്ങളിൽ നിന്ന് ഇവിടെ എത്തിക്കുന്നതായി അധികൃതർ വ്യക്തമാക്കുന്നു.

വ​കാ​ൻ ഗ്രാ​മ​ത്തി​ലെ കാ​ഴ്ച

വ​കാ​നി​ലെ സ​മ​ശീ​തോ​ഷ്ണ കാ​ലാ​വ​സ്ഥ​യാ​ണ് പ്ര​ധാ​ന ആ​ക​ർ​ഷ​ണം. ശീ​ത​കാ​ലാ​വ​സാ​ന​ത്തോ​ടെ (ജ​നു​വ​രി-​ഫെ​ബ്രു​വ​രി) ആ​രം​ഭി​ക്കു​ന്ന ആ​പ്രി​ക്കോ​ട്ട്, പ്ലം ​പൂ​ക്കാ​ലം ഗ്രാ​മ​ത്തെ വെ​ള്ള​യും പി​ങ്കും നി​റ​ഞ്ഞ അ​പൂ​ർ​വ പ്ര​കൃ​തി ദൃ​ശ്യ​മാ​യി മാ​റ്റു​ന്നു. മു​ന്തി​രി വി​ള​വെ​ടു​പ്പ് കാ​ല​വും സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന പ്ര​ധാ​ന കാ​ര​ണ​ങ്ങ​ളി​ലൊ​ന്നാ​ണ്. ആ​പ്രി​ക്കോ​ട്ട്, മാ​ത​ളം, പ്ലം, ​വാ​ൾ​ന​ട്ട്, മു​ന്തി​രി തു​ട​ങ്ങി​യ വി​ള​ക​ൾ വ​ർ​ഷം മു​ഴു​വ​ൻ ഇ​വി​ടെ കൃ​ഷി ചെ​യ്യ​പ്പെ​ടു​ന്നു​ണ്ട്. സ​മു​ദ്ര​നി​ര​പ്പി​ൽ​നി​ന്ന് ഏ​ക​ദേ​ശം 2,000 മീ​റ്റ​ർ ഉ​യ​ര​ത്തി​ലു​ള്ള ഗ്രാ​മ​ത്തി​ൽ ശീ​ത​കാ​ല​ത്ത് അ​നു​ഭ​വ​പ്പെ​ടു​ന്ന കു​റ​ഞ്ഞ താ​പ​നി​ല ത​ണു​പ്പു​കാ​ലം ഇ​ഷ്ട​പ്പെ​ടു​ന്ന​വ​രെ ആ​ക​ർ​ഷി​ക്കു​ന്നു. ഗ്രാ​മ​ത്തി​ന്റെ മു​ക​ളി​ലേ​ക്കു​ള്ള 700 പ​ടി​ക​ൾ ക​യ​റാ​ൻ ശീ​ത​കാ​ല​മാ​ണ് ഏ​റ്റ​വും അ​നു​യോ​ജ്യം. സാ​ഹ​സി​ക സ​ഞ്ചാ​രി​ക​ൾ​ക്ക് വ​കാ​ൻ പ്രി​യ​പ്പെ​ട്ട ഇ​ട​മാ​വു​ന്ന​തി​ന് കാ​ര​ണം ഈ ​നൂ​റു​ക​ണ​കി​നു​ള്ള പ​ടി​ക​ളാ​ണ്. വേ​ന​ലി​ൽ ഇ​ത് പ്ര​യാ​സ​ക​ര​മാ​ണ്. ജ​നു​വ​രി അ​വ​സാ​നം മു​ത​ൽ ഫെ​ബ്രു​വ​രി വ​രെ നീ​ളു​ന്ന ആ​പ്രി​ക്കോ​ട്ട് -പ്ലം ​പൂ​ക്കാ​ല​മാ​ണ് ശീ​ത​കാ​ല​ത്തെ ഏ​റ്റ​വും വ​ലി​യ ആ​ക​ർ​ഷ​ണം.

ജ​പ്പാ​നി​ലെ സാ​കു​റ പൂ​ക്ക​ളെ ഓ​ർ​മി​പ്പി​ക്കു​ന്ന ഈ ​അ​പൂ​ർ​വ ദൃ​ശ്യം ആ​യി​ര​ക്ക​ണ​ക്കി​ന് ഫോ​ട്ടോ​ഗ്രാ​ഫ​ർ​മാ​രെ​യും സ​ഞ്ചാ​രി​ക​ളെ​യും ഗ്രാ​മ​ത്തി​ലേ​ക്ക് ആ​ക​ർ​ഷി​ക്കു​ന്നു. വ​കാ​ൻ ഗ്രാ​മ​ത്തി​ലെ മ​ല​മ്പാ​ത​ക​ൾ സു​ര​ക്ഷി​ത​മാ​ക്കു​ന്ന​തി​നാ​യി കൈ​വ​രി​ക​ളും വി​ശ്ര​മ​കേ​ന്ദ്ര​ങ്ങ​ളും ഒ​രു​ക്കു​ന്ന പ്ര​വ​ർ​ത്ത​ന​ങ്ങ​ൾ പൈ​തൃ​ക -ടൂ​റി​സം മ​ന്ത്രാ​ല​യ​ത്തി​ന്റെ കീ​ഴി​ൽ പു​രോ​ഗ​മി​ക്കു​ക​യാ​ണ്. ഗ​സ്റ്റ് ഹൗ​സു​ക​ളും പൈ​തൃ​ക ലോ​ഡ്ജു​ക​ളും ആ​രം​ഭി​ക്കാ​ൻ ഗ്രാ​മ​വാ​സി​ക​ൾ​ക്ക് മ​ന്ത്രാ​ല​യം പി​ന്തു​ണ ന​ൽ​കു​ന്നു​ണ്ട്. പ​ഴ​യ വീ​ടു​ക​ൾ പു​ന​രു​ദ്ധ​രി​ച്ച് ടൂ​റി​സം പ​ദ്ധ​തി​യു​ടെ ഭാ​ഗ​മാ​ക്കു​ക​യാ​ണ് ല​ക്ഷ്യം. ഗ​വ​ർ​ണ​റേ​റ്റ് ഓ​ഫി​സു​മാ​യി സ​ഹ​ക​രി​ച്ച് പാ​ർ​ക്കി​ങ് സൗ​ക​ര്യ​ങ്ങ​ൾ വി​ക​സി​പ്പി​ക്കു​ന്ന​തും വി​വ​ര​കേ​ന്ദ്ര​ങ്ങ​ൾ ഉ​ൾ​പ്പെ​ടെ​യു​ള്ള അ​ടി​സ്ഥാ​ന സേ​വ​ന​ങ്ങ​ൾ ഒ​രു​ക്കു​ന്ന​തും പു​രോ​ഗ​മി​ക്കു​ക​യാ​ണ്. ഗ്രാ​മ​വാ​സി​ക​ൾ​ക്ക് അ​വ​രു​ടെ കൃ​ഷി​യി​ട​ങ്ങ​ളും വീ​ടു​ക​ളും ടൂ​റി​സം കേ​ന്ദ്ര​ങ്ങ​ളാ​ക്കി മാ​റ്റു​ന്ന​തി​ൽ ആ​വ​ശ്യ​മാ​യ ഉ​പ​ദേ​ശ​ങ്ങ​ളും ന​ൽ​കു​ന്നു.

ഭാ​വി​യി​ൽ ഗ്രാ​മ​ത്തി​ലേ​ക്കു​ള്ള യാ​ത്ര​യി​ൽ ഉ​ണ്ടാ​കു​ന്ന ഗ​താ​ഗ​ത​ക്കു​രു​ക്ക് കു​റ​ക്കു​ന്ന​തി​നാ​യി കേ​ബി​ൾ കാ​ർ പ​ദ്ധ​തി​യോ മ​റ്റ് ബ​ദ​ൽ ഗ​താ​ഗ​ത മാ​ർ​ഗ​ങ്ങ​ളോ ന​ട​പ്പാ​ക്കു​ന്ന​തി​നു​ള്ള പ​ഠ​ന​വും ന​ട​ക്കു​ന്നു​ണ്ട്. തി​ര​ക്കേ​റി​യ സ​മ​യ​ങ്ങ​ളി​ൽ ഗ​താ​ഗ​തം നി​യ​ന്ത്രി​ക്കാ​ൻ റോ​യ​ൽ ഒ​മാ​ൻ പൊ​ലീ​സു​മാ​യി സ​ഹ​ക​ര​ണ​മു​ണ്ടെ​ന്നും അ​ധി​കൃ​ത​ർ വ്യ​ക്ത​മാ​ക്കി.