മുൻകാല പേയ്മെന്റുകളും വരാനിരിക്കുന്ന ബില്ലുകളും പരിശോധിക്കാനുള്ള സൗകര്യവുമുണ്ട്. മുമ്പ് പണമടച്ച ബില്ലുകൾ ‘പേയ്മെന്റ്സ് ഹോം’ സെക്ഷനിൽ വൺ-ടാപ്പ് ആക്സസായി ലഭ്യമാകും. വീട്, ഓഫീസ് അല്ലെങ്കിൽ കുടുംബാംഗങ്ങൾക്കായി ഒരേ ദാതാവിന് കീഴിലുള്ള ഒന്നിലധികം അക്കൗണ്ടുകൾ ഒരിടത്തുതന്നെ നിയന്ത്രിക്കാൻ ഈ സേവനം സഹായിക്കും.

വിവിധ ആപ്പുകൾ മാറിമാറി ഉപയോഗിച്ച് യൂട്ടിലിറ്റി ബില്ലുകൾ അടയ്ക്കുന്നതിനുള്ള ബുദ്ധിമുട്ടുകൾക്ക് പരിഹാരവുമായി വാട്‌സ്ആപ്പ് പുതിയ ‘ബിൽ പേയ്മെന്റ്’ ഫീച്ചർ അവതരിപ്പിച്ചു. ഇന്ത്യയിലെ ഉപയോക്താക്കൾക്കായാണ് മെറ്റ ഈ സംവിധാനം ഔദ്യോഗികമായി പ്രഖ്യാപിച്ചിരിക്കുന്നത്. ഭാരത് കണക്ട് നെറ്റ്‌വർക്കിന്റെ പിന്തുണയോടെ പ്രവർത്തിക്കുന്ന ഈ പുതിയ ഫീച്ചറിലൂടെ 30 വിഭാഗങ്ങളിലായി 22,722-ലധികം ബില്ലർമാരുടെ സേവനം ഇനി വാട്‌സ്ആപ്പിലൂടെ തന്നെ ഉപയോക്താക്കൾക്ക് ലഭ്യമാകും.

വൈദ്യുതി, ഗ്യാസ്, വെള്ളം, ഫാസ്ടാഗ്, ഇൻഷുറൻസ്, ക്രെഡിറ്റ് കാർഡ് ബില്ലുകൾ, ലോൺ തിരിച്ചടവുകൾ തുടങ്ങിയ വിവിധ ബില്ലുകൾ വാട്‌സ്ആപ്പ് ഹോം സ്ക്രീനിലെ രൂപയുടെ ചിഹ്നത്തിൽ ടാപ്പ് ചെയ്ത് അടയ്ക്കാനാകും. യു.പി.ഐ, ഡെബിറ്റ് അല്ലെങ്കിൽ ക്രെഡിറ്റ് കാർഡുകൾ ഉപയോഗിച്ച് പേയ്മെന്റുകൾ പൂർത്തിയാക്കാം. കൂടാതെ, മുമ്പ് പണമടച്ച ബില്ലുകൾ പരിശോധിക്കാനും കുടുംബാംഗങ്ങൾക്കായി ഒരേ ദാതാവിന് കീഴിലുള്ള ഒന്നിലധികം അക്കൗണ്ടുകൾ ഒരിടത്തുതന്നെ നിയന്ത്രിക്കാനും ഈ ഫീച്ചറിലൂടെ സാധിക്കും.