ഇന്ത്യ: പ്രീമിയം സ്മാർട്ട്ഫോൺ സ്വന്തമാക്കുന്നതിനുള്ള പ്രതിമാസ സാമ്പത്തിക ബാധ്യത കുറയ്ക്കുന്നതിനായി സാംസങ് പുതിയ 30 മാസത്തെ നോ-കോസ്റ്റ് ഇ.എം.ഐ. പദ്ധതി അവതരിപ്പിച്ചു. ഗാലക്‌സി ഇസഡ് ഫോൾഡ്8 അൾട്രാ, ഗാലക്‌സി ഇസഡ് ഫോൾഡ്8, ഗാലക്‌സി ഇസഡ് ഫ്ലിപ്പ്8 എന്നീ ഏറ്റവും പുതിയ ഫോൾഡബിൾ സ്മാർട്ട്ഫോണുകൾ സീറോ ഡൗൺ പേയ്‌മെന്റോടെ സ്വന്തമാക്കാൻ ഉപഭോക്താക്കൾക്ക് ഇതിലൂടെ സാധിക്കും. ഏഴ് തലമുറകളിലൂടെയുള്ള ഫോൾഡബിൾ നവീകരണവും ഉപഭോക്തൃ പ്രതികരണങ്ങളും അടിസ്ഥാനമാക്കി വികസിപ്പിച്ച പുതിയ ഗാലക്‌സി ഇസഡ് സീരീസ്, ഗാലക്‌സി എ.ഐ., നൂതന ഹിഞ്ച് ഡിസൈൻ, ഡിസ്‌പ്ലേ, കരുത്ത്, പ്രകടനം എന്നിവ സംയോജിപ്പിച്ച സാംസങിന്റെ ഏറ്റവും മികച്ച ഫോൾഡബിൾ അനുഭവമാണ് നൽകുന്നത്.

ഗാലക്‌സി ഇസഡ് ഫോൾഡ്8 അൾട്രാ 256 ജി.ബി. മോഡലിന്റെ വില 1,99,999 രൂപയാണ്. 30 മാസത്തെ നോ-കോസ്റ്റ് ഇ.എം.ഐ. സൗകര്യത്തിൽ പ്രതിമാസം 6,667 രൂപക്ക്  സ്വന്തമാക്കാം. 1,79,999 രൂപ വിലയുള്ള  ഗാലക്‌സി ഇസഡ് ഫോൾഡ്8 256 ജി.ബി. മോഡൽ പ്രതിമാസം 6,000 രൂപക്കും 1,24,999 രൂപ വിലയുള്ള ഗാലക്‌സി ഇസഡ് ഫ്ലിപ്പ്8 256 ജി.ബി. മോഡൽ പ്രതിമാസം 4,167 രൂപക്കും സ്വന്തമാക്കാം.

ഈ 30 മാസത്തെ നോ-കോസ്റ്റ് ഇ.എം.ഐ. സൗകര്യം സാംസങ് ഫിനാൻസ് പ്ലസ് (ഡി.എം.ഐ. ഫിനാൻസ് വഴി), ടി.വി.എസ്. ക്രെഡിറ്റ്, ഐ.ഡി.എഫ്.സി. ഫസ്റ്റ് ബാങ്ക്, പൂനാവാല ഫിൻകോർപ്പ് എന്നിവ വഴിയാണ് ലഭ്യമാക്കുന്നത്. കൂടുതൽ ദൈർഘ്യമുള്ള തിരിച്ചടവ് കാലാവധി ഉപഭോക്താക്കൾക്ക് ചെലവ് കൂടുതൽ സൗകര്യപ്രദമായി വിഭജിച്ച് അടയ്ക്കാൻ സഹായിക്കും. ഗാലക്‌സി എ.ഐ. സവിശേഷതകൾ, പ്രീമിയം ഡിസൈൻ, ഫ്ലാഗ്ഷിപ്പ് പ്രകടനം എന്നിവയുള്ള ഏറ്റവും പുതിയ ഫോൾഡബിൾ സ്മാർട്ട്ഫോൺ അനുഭവം കൂടുതൽ ഉപഭോക്താക്കളിലേക്ക് എത്തിക്കുകയാണ് പുതിയ ധനകാര്യ പദ്ധതി ലക്ഷ്യമിടുന്നത്.

ഗാലക്‌സി ഇസഡ് ഫോൾഡ്8 അൾട്രാ, ഗാലക്‌സി ഇസഡ് ഫോൾഡ്8, ഗാലക്‌സി ഇസഡ് ഫ്ലിപ്പ്8 എന്നിവ പ്രമുഖ ഓൺലൈൻ, ഓഫ്‌ലൈൻ റീട്ടെയിൽ സ്റ്റോറുകളിൽ പ്രീ-ഓർഡറിന് ലഭ്യമാണ്. പുതിയ ധനകാര്യ സൗകര്യം Samsung.com, സാംസങ് എക്സ്പീരിയൻസ് സ്റ്റോറുകൾ, രാജ്യത്തുടനീളമുള്ള പങ്കാളിത്ത റീട്ടെയിൽ ഔട്ട്‌ലെറ്റുകൾ എന്നിവിടങ്ങളിലും ലഭ്യമാണ്.