ന്യൂഡൽഹി: മോട്ടോറോളയുടെ പുതിയ ഫ്ലാഗ്ഷിപ്പ് സ്‌മാർട്ട്ഫോണായ മോട്ടോറോള എഡ്‌ജ്‌ 70 മാക്‌സ് ഇന്ത്യയിൽ വിൽപ്പനയ്ക്ക് എത്തി. ഫ്ലിപ്കാർട്ട്, മോട്ടോറോളയുടെ ഔദ്യോഗിക വെബ്സൈറ്റ്, പ്രമുഖ റീട്ടെയിൽ സ്റ്റോറുകൾ എന്നിവ വഴി ജൂലൈ 20 മുതൽ  ലഭ്യമാകുന്ന ഫോണിൻ്റെ ഓഫർ വില 49,999 രൂപ മുതലാണ്. 8 ജിബി + 256 ജിബി, 12 ജിബി + 256 ജിബി എന്നീ രണ്ട് വകഭേദങ്ങളിലാണ് ഫോൺ അവതരിപ്പിച്ചിരിക്കുന്നത്.

സ്‌നാപ്ഡ്രാഗൺ 8 ജെൻ 5 പ്രോസസർ, 144 ഹേർട്സ് റിഫ്രെഷ് റേറ്റോടുകൂടിയ 6.8 ഇഞ്ച് ക്വാഡ് എച്ച്ഡി+ (2കെ) എക്‌സ്ട്രീം അമോലെഡ് ഡിസ്പ്ലേ, 7000 നിറ്റ്‌സ് പരമാവധി ബ്രൈറ്റ്നസ്, 7100 എംഎഎച്ച് സിലിക്കൺ-കാർബൺ ബാറ്ററി, 90 വാട്ട്  ടർബോപവർ ഫാസ്റ്റ് ചാർജിങ്, 25 വാട്ട് ക്യൂഐ2.2 മാഗ്നറ്റിക് വയർലെസ് ചാർജിങ് എന്നിവയാണ് പ്രധാന സവിശേഷതകൾ. 50 മെഗാപിക്സൽ സോണി ലിറ്റിയ 710 ഒഐഎസ് പ്രധാന ക്യാമറ, 8 മെഗാപിക്‌സൽ അൾട്രാ-വൈഡ് + മാക്രോ ക്യാമറ, 32 മെഗാപിക്‌സൽ സെൽഫി ക്യാമറ എന്നിവയും ഫോണിലുണ്ട്.

ഐപി68/ഐപി69 വാട്ടർ-ഡസ്റ്റ് റെസിസ്റ്റൻസ്, എംഐഎൽ-എസ്‌ടിഡി-810എച്ച് മിലിട്ടറി ഗ്രേഡ് ഡ്യൂറബിലിറ്റി, ആൻഡ്രോയ്‌ഡ്‌ 16, മൂന്ന് വർഷത്തെ ഒഎസ് അപ്ഡേറ്റുകളും നാല് വർഷത്തെ സുരക്ഷാ അപ്ഡേറ്റുകളും ലഭിക്കും. രൂ 5,000 വരെ ബാങ്ക് ഡിസ്‌കൗണ്ട് അല്ലെങ്കിൽ എക്സ്ചേഞ്ച് ബോണസും ലഭ്യമാണ്.