ന്യൂഡൽഹി: സ്‌മാർട്ട്ഫോൺ ബ്രാൻഡായ മോട്ടോറോളയുടെ പുതിയ പ്രീമിയം ഫോണായ മോട്ടോറോള എഡ്‌ജ്‌ 70 പ്രോ പ്ലസ് ഇന്ത്യയിൽ വിൽപ്പനയ്‌ക്കെത്തി. ജൂൺ 11 മുതൽ ഫ്ലിപ്കാർട്ട്, Motorola.in, രാജ്യത്തെ പ്രമുഖ റീട്ടെയിൽ സ്റ്റോറുകൾ എന്നിവ വഴി ഫോൺ ലഭ്യമാണ്. പ്രൊഫഷണൽ ഗ്രേഡ് ക്വാഡ് 50എംപി ക്യാമറ സിസ്റ്റം, മീഡിയാടെക് ഡൈമെൻസിറ്റി 8500 എക്‌സ്ട്രീം പ്രോസസർ, 6500എംഎഎച്ച് ബാറ്ററി എന്നിവയാണ് ഫോണിൻ്റെ പ്രധാന സവിശേഷതകൾ.

12ജിബി റാം, 256ജിബി സ്റ്റോറേജ് വേരിയന്റിൻ്റെ ലോഞ്ച് വില 47,999 രൂപയാണ്. എന്നാൽ 3,000 രൂപയുടെ ബാങ്ക് ക്യാഷ്ബാക്ക് അല്ലെങ്കിൽ എക്സ്ചേഞ്ച് ബോണസ് ഓഫറിലൂടെ ഉപഭോക്താക്കൾക്ക് ഫോൺ 44,999 രൂപയ്ക്ക് സ്വന്തമാക്കാം. 6 മാസം വരെ നോ-കോസ്റ്റ് ഇഎംഐ സൗകര്യവും ലഭ്യമാണ്. സോണി ലിറ്റിയ 710 സെൻസറോടുകൂടിയ 50എംപി പ്രധാന ക്യാമറ, 50എംപി പെരിസ്‌കോപ്പ് ടെലിഫോട്ടോ ക്യാമറ, 50എംപി അൾട്രാ-വൈഡ്-മാക്രോ ക്യാമറ, 50എംപി സെൽഫി ക്യാമറ എന്നിവയാണ് ക്യാമറ സംവിധാനത്തിലുള്ളത്.

എല്ലാ ക്യാമറകളിലും 4കെ 60എഫ്‌പിഎസ് വീഡിയോ റെക്കോർഡിംഗ് സൗകര്യമുണ്ട്. 144 ഹേർട്സ് റീഫ്രെഷ് റേറ്റും 5200 നിറ്റ്‌സ് പീക്ക് ബ്രൈറ്റ്‌നസും ഉള്ള 6.8 ഇഞ്ച് സൂപ്പർ എച്ച്ഡി+ അമോലെഡ് ക്വാഡ്-കേർവ്ഡ് ഡിസ്പ്ലേ, 4600എംഎം² വേപ്പർ ചേംബർ കൂളിങ് സിസ്റ്റം, 90 വാട്ട് ടർബോപവർ ഫാസ്റ്റ് ചാർജിംഗ്, 15 വാട്ട് വയർലെസ് ചാർജിംഗ് പിന്തുണയുള്ള 6500എംഎഎച്ച് സിലിക്കൺ-കാർബൺ ബാറ്ററി എന്നിവയും ഫോണിലുണ്ട്. ഐപി68, ഐപി69 നിലവാരത്തിലുള്ള വാട്ടർ-ഡസ്റ്റ് പ്രതിരോധം, ഗൊറില്ല ഗ്ലാസ് 7ഐ സംരക്ഷണം, ആൻഡ്രോയ്‌ഡ്‌ 16 അധിഷ്ഠിത ഹലോ യുഐ, മോട്ടോ എഐ 2.0 ഫീച്ചറുകൾ എന്നിവയും ഫോണിൻ്റെ പ്രത്യേകതകളാണ്. 3 വർഷത്തെ ഒഎസ് അപ്ഗ്രേഡുകളും 5 വർഷത്തെ സുരക്ഷാ അപ്ഡേറ്റുകളും കമ്പനി വാഗ്‌ദാനം ചെയ്യുന്നു.