പാന് കാര്ഡ് പ്രവർത്തനരഹിതമാകാതിരിക്കാൻ ഇനി വലിയയൊരു തുക നൽകണം
പാന് കാര്ഡ് ആധാറുമായി ബന്ധിപ്പിക്കുന്നതിനുള്ള സമയപരിധി അവസാനിച്ചിരിക്കുകയാണ്. ഇന്നലെ രാത്രി കൊണ്ടാണ് സമയപരിധി അവസാനിച്ചത്. ഇതുവരെയും പാന്-ആധാര് ബന്ധിപ്പിക്കൽ നടത്താത്തവരുടെ പാന് കാര്ഡ് ഇന്ന് മുതൽ പ്രവര്ത്തനരഹിതമാകും എന്ന് ആദായനികുതി വകുപ്പ് അറിയിച്ചു. ഇത് ബാങ്കിങ് ഇടപാടുകളെ അടക്കം ഇത് ബാധിക്കും.
പാന് കാര്ഡ് ആധാറുമായി ബന്ധിപ്പിക്കുന്നതിനുള്ള സമയപരിധി അവസാനിച്ചിരിക്കുകയാണ്. ഇന്നലെ രാത്രി കൊണ്ടാണ് സമയപരിധി അവസാനിച്ചത്. ഇതുവരെയും പാന്-ആധാര് ബന്ധിപ്പിക്കൽ നടത്താത്തവരുടെ പാന് കാര്ഡ് ഇന്ന് മുതൽ പ്രവര്ത്തനരഹിതമാകും എന്ന് ആദായനികുതി വകുപ്പ് അറിയിച്ചു. ഇത് ബാങ്കിങ് ഇടപാടുകളെ അടക്കം ഇത് ബാധിക്കും.
സമയപരിധി അവസാനിച്ചതോടെ ആയിരം രൂപ പിഴ ഒടുക്കി മാത്രമേ ഇനി ബന്ധിപ്പിക്കൽ നടപടികൾ പൂർത്തിയാക്കാൻ സാധിക്കൂ. എന്നാൽ, 2024 ഒക്ടോബര് ഒന്നിനു ശേഷം പാന് കാര്ഡ് ലഭിച്ചവര്ക്ക് ഈ പിഴയിൽ ഇളവ് അനുവദിച്ചിട്ടുണ്ട്. ആദായനികുതി വകുപ്പിന്റെ ഇ-ഫയലിങ് പോര്ട്ടല് വഴി ഉപഭോക്താക്കൾക്ക് ഈ നടപടി പൂർത്തിയാക്കാവുന്നതാണ്.
പാൻ ആധാറുമായി ബന്ധിപ്പിക്കേണ്ട ആവശ്യമില്ലാത്തവർ
ആദായനികുതി നിയമപ്രകാരം താമസക്കാരായി യോഗ്യത നേടാത്ത പ്രവാസി ഇന്ത്യക്കാർ (എൻആർഐ), ആധാർ നമ്പർ ഇല്ലാത്ത വ്യക്തികൾ, സർക്കാർ പ്രത്യേകമായി ഒഴിവാക്കിയവർ എന്നിവർക്കാണ് ഇക്കാര്യത്തിൽ ഇളവുകളുള്ളത്. 80 വയസ്സോ അതിൽ കൂടുതലോ പ്രായമുള്ള ആളുകൾക്കും (സൂപ്പർ സീനിയർ സിറ്റിസൺസ്)ആധാർ കാർഡും പാൻ കാർഡും തമ്മിൽ ലിങ്ക് ചെയ്യുന്നത് നിർബന്ധമല്ല. നിലവിലുള്ള നിയമങ്ങൾ പ്രകാരം അസം, മേഘാലയ, ജമ്മു & കശ്മീർ എന്നിവിടങ്ങളിലെ താമസക്കാർക്കും ഇളവുകളുണ്ട്.