പിക്‌സൽ ഫോണുകൾ, പിക്‌സൽ ബഡ്‌സ്, പിക്‌സൽ വാച്ചുകൾ ഉൾപ്പടെ ​ഗൂ​ഗിളിന്റെ പിക്‌സൽ 10 സീരീസ് ഡിവൈസുകൾ പുറത്തിറങ്ങുന്ന തീയതി പ്രഖ്യാപിച്ച് കമ്പനി. മേയ്ഡ് ബൈ ഗൂഗിൾ പരിപാടിയിലാണ് ഓഗസ്റ്റ് 20 ന് പുതിയ പിക്സൽ ഡിവൈസുകൾ എത്തുനം എന്ന വിവരം കമ്പനി അറിയിച്ചിത്.
‌
​ഗൂഗിൾ പിക്‌സൽ 10, 10 പ്രോ, 10 പ്രോ എക്‌സ്എൽ, 10 പ്രോ ഫോൾഡ് എന്നീ ഫോണുകളായിരിക്കും 10 സീരിസിൽ പുറത്തെത്തുക. ഒപ്പം പിക്‌സൽ വാച്ച് 3, പിക്‌സൽ ബഡ്‌സ് പ്രോ 2 എന്നിവയും എത്തുമെന്നാണ് ലീക്കഡ് റിപ്പോർട്ടുകൾ പറുയുന്നത്.

ടെലിഫോട്ടോ ക്യാമറ ഉൾപ്പടെ ബേസ് മോഡലിലും ട്രിപ്പിൾ റിയർ ക്യാമറയുണ്ടാകുമെന്നാണ് പുറത്തെത്തിയ റിപ്പോർട്ടുകളിലെ വിവരങ്ങൾ. എന്നാൽ ക്യാമറയിലും ഹാർഡ് വെയറിലും വലിയ മാറ്റങ്ങൾ ഉണ്ടായിരിക്കില്ലെന്നും. കഴിഞ്ഞ വർഷം പുറത്തിറങ്ങിയ മോ‍ഡലുകൾക്ക് സമാനമായിരിക്കും എന്നാണ് റിപ്പോർട്ടുകൾ.

മെച്ചപ്പെട്ട എഐ ഫീച്ചറുകളും, പ്രൊസസർ ടെൻസർ ജി5 ലേക്ക് അപ്‌ഗ്രേഡ് ചെയ്യുമെന്നും പ്രതീക്ഷിക്കുന്നു. ഗൂഗിളിന്റെ ജെമിനി എ ഐ ഫീച്ചറുകളും പിക്‌സൽ വാച്ച് 4 ൽ ഉണ്ടായിരിക്കുമെന്നാണ് വിലയിരുത്തലുകൾ.