അഴിമതി തുടച്ചുനീക്കാന് വ്യാപക റെയ്ഡ് ; കുടുങ്ങിയത് 127 ഉദ്യോഗസ്ഥര്
അഴിമതി തടയുന്നതിനായി ജനുവരിയില് മാത്രം 1,543 റെയ്ഡുകളാണ് അതോറിറ്റി നടത്തിയത്.
Feb 3, 2026, 14:14 IST
സുതാര്യമായ ഭരണസംവിധാനം ഉറപ്പാക്കുന്നതിന്റെ ഭാഗമായാണ് നടപടി.
രാജ്യത്ത് അഴിമതി തുടച്ചുനീക്കുന്നതിന്റെ ഭാഗമായി പരിശോധന കര്ശനമാക്കി സൗദി അഴിമതി വിരുദ്ധ അതോറിറ്റി . ജനുവരി മാസത്തില് രാജ്യവ്യാപകമായി നടത്തിയ വിപുലമായ റെയ്ഡുകളില് വിവിധ മന്ത്രാലയങ്ങളിലെ 127 ഉദ്യോഗസ്ഥരെ അതോറിറ്റി അറസ്റ്റ് ചെയ്തു. സുതാര്യമായ ഭരണസംവിധാനം ഉറപ്പാക്കുന്നതിന്റെ ഭാഗമായാണ് നടപടി.
അഴിമതി തടയുന്നതിനായി ജനുവരിയില് മാത്രം 1,543 റെയ്ഡുകളാണ് അതോറിറ്റി നടത്തിയത്. അറസ്റ്റിലായവര്ക്ക് പുറമെ 383 പേര്ക്കെതിരെ നിലവില് വിശദമായ അന്വേഷണം നടന്നുവരികയാണെന്ന് നസഹ അറിയിച്ചു. ആഭ്യന്തര മന്ത്രാലയം, ആരോഗ്യ മന്ത്രാലയം, വിദ്യാഭ്യാസ മന്ത്രാലയം, മുനിസിപ്പല്-ഗ്രാമകാര്യ മന്ത്രാലയം, ഭവന നിര്മാണ മന്ത്രാലയം എന്നിവിടങ്ങളിലെ ഉദ്യോഗസ്ഥരാണ് പിടിയിലായത്.
അഴിമതി വിരുദ്ധ നിയമത്തിലെ വിവിധ വകുപ്പുകള് പ്രകാരമാണ് പ്രതികള്ക്കെതിരെ കേസെടുത്തിരിക്കുന്നത്