കനത്ത മഴ ; ഒമാനില് മരിച്ചവരുടെ എണ്ണം 12 ആയി
കനത്ത മഴ ; ഒമാനില് മരിച്ചവരുടെ എണ്ണം 12 ആയി
ശക്തമായ മഴയോടൊപ്പം ഉണ്ടായ അപ്രതീക്ഷിത വെള്ളപ്പൊക്കമാണ് അപകടങ്ങള്ക്ക് കാരണമായത്.
വാദികളില് വെള്ളം അപ്രതീക്ഷിതമായി ഉയര്ന്നതാണ് അപകടങ്ങള്ക്ക് ഇടയാക്കിയത്.
ഒമാന് രാജ്യത്തിന്റെ വിവിധ ഭാഗങ്ങളില് പെയ്ത ശക്തമായ മഴയെ തുടര്ന്ന് ഉണ്ടായ വെള്ളപ്പൊക്കത്തില് രണ്ടു പേര്കൂടി മരിച്ചു. ഇതോടെ മഴക്കെടുതിയില് ജീവന് നഷ്ടമായവരുടെ എണ്ണം 12 ആയി. ശക്തമായ മഴയോടൊപ്പം ഉണ്ടായ അപ്രതീക്ഷിത വെള്ളപ്പൊക്കമാണ് അപകടങ്ങള്ക്ക് കാരണമായത്.
റിപ്പോര്ട്ടുകള് പ്രകാരം, വാദികളില് വെള്ളം അപ്രതീക്ഷിതമായി ഉയര്ന്നതാണ് അപകടങ്ങള്ക്ക് ഇടയാക്കിയത്. ചിലര് വാഹനം ഓടിച്ച് കടക്കാന് ശ്രമിക്കുന്നതിനിടെ വെള്ളത്തില് ഒഴുക്കുപോയതായും അറിയുന്നു.രാജ്യത്തിന്റെ വിവിധ പ്രദേശങ്ങളില് രക്ഷാപ്രവര്ത്തനങ്ങള് തുടരുകയാണ്. അടിയന്തര സേവനസംഘങ്ങള് ഉയര്ന്ന അപകടസാധ്യതയുള്ള മേഖലകളില് നിരീക്ഷണം ശക്തമാക്കിയിട്ടുണ്ട്. ശക്തമായ മഴ കാരണം താഴ്ന്ന പ്രദേശങ്ങളും റോഡുകളും വെള്ളത്തില് മുങ്ങിയതായി റിപ്പോര്ട്ടുകള് സൂചിപ്പിക്കുന്നു. ജനങ്ങളോട് ജാഗ്രത പാലിക്കാന് അധികൃതര് നിര്ദേശം നല്കി. വെള്ളം നിറഞ്ഞ വാടികള്ക്കും താഴ്ന്ന പ്രദേശങ്ങള്ക്കും സമീപം പോകുന്നത് ഒഴിവാക്കണമെന്ന് മുന്നറിയിപ്പ് നല്കി.