കോഴിക്കോട്: കോഴിക്കോട് കാപ്പാട് പൂക്കാടുള്ള പെട്രോൾ പമ്പിലെ ജീവനക്കാരൻ കുഴഞ്ഞുവീണ് മരിച്ചു. കാപ്പാട് കളത്തിൽ പള്ളിക്ക് സമീപം അൽ റയ്യാനിൽ താമസിക്കുന്ന സിയ്യാലിക്കണ്ടി ഇബ്രാഹിംകുട്ടി (58) ആണ് മരിച്ചത്.

ഇന്ന് രാവിലെ പെട്രോൾ പമ്പിൽ ജോലിക്ക് പോയതായിരുന്നു. ജോലിക്കിടെ ഓഫീസിൽ കുഴഞ്ഞ് വീണ ഇബ്രാഹിമിനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പിതാവ് - പരേതനായ സിയ്യാലിക്കണ്ടി ബീരാൻകുട്ടി മുസ്ലിയാർ. മാതാവ് - ആസിയ. ഭാര്യ - മണ്ണാൻകുനി മുംതാസ്. മക്കൾ - ശമൈല ഫാത്തിമ, ആയിഷ മിന്ന, ആസിയ മഹഖ്. മരുമക്കൾ - റിഷാൽ പുറക്കാട്ടിരി, മസൂദ് പുറക്കാട്.