കോട്ടയത്ത് നിയന്ത്രണംവിട്ട് ബൈക്ക് മറിഞ്ഞ് അപകടം ; യുവാവിന് ദാരുണാന്ത്യം

കോട്ടയത്ത് നിയന്ത്രണംവിട്ട് ബൈക്ക് മറിഞ്ഞ് അപകടം ; യുവാവിന് ദാരുണാന്ത്യം

കോട്ടയം: നിയന്ത്രണംവിട്ട ബൈക്ക് മറിഞ്ഞുണ്ടായ അപകടത്തിൽ യുവാവ് മരിച്ചു. വൈക്കം-എറണാകുളം റോഡിൽ ഇത്തിപ്പുഴയിലാണ് അപകടം നടന്നത്. ചേർത്തല സ്വദേശി ആന്റണി തരകൻ (24) ആണ് മരിച്ചത്. ഇന്നലെ രാത്രി 12.30-ന് ഇത്തിപ്പുഴ പാലത്തിന് സമീപത്ത് വെച്ചാണ് അപകടമുണ്ടായത്. 

പാലത്തിന്റെ കൈവരിയിൽ വണ്ടിയിടിച്ച് യുവാവ് റോഡിൽ തെറിച്ച് വീഴുകയായിരുന്നു. ഗുരുതരമായി പരിക്കേറ്റ യുവാവിനെ ഉടൻ വൈക്കം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.