കണ്ണൂർ : ഇരിട്ടിയിലെ പ്രിയ അസോസിയേറ്റിന്റെ ഉപസ്ഥാപനമായ  ത്രിപുര അഗർത്തലയിലെ  നോർത്ത് ഈസ്റ്റ് റബർ കമ്പിനിയുടെ  ഡോഡൗണിൽ നിന്നും  ചെന്നൈ പെരുമ്പത്തൂരിലെ അപ്പോളോ ടയേഴ്‌സിലേക്ക് 30 ടൺ റബറുമായി പോയ ലോറി കാണാതായി.

ആഗസ്ത് 26ന് അഗർത്തലയിൽ നിന്നും പുറപ്പെട്ട TS 25 T 1326 തെലുങ്കാന രജിസ്‌ട്രേഷൻ ലോറിയാണ് 65 ലക്ഷത്തോളം രൂപ വിലവരുന്ന റബറുമായി കാണാതായത്.അഗർത്തല നോർത്ത് ഈസ്റ്റ് കമ്പനി അധികൃതർ അഗർത്തല ബുജംനഗർ പോലീസിൽ പരാതി നൽകി.