ഇടുക്കി : തദ്ദേശസ്വയം ഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പിന് മുന്നോടിയായി ജില്ലയിലെ റിട്ടേണിംഗ് ഓഫീസർ, അസിസ്റ്റന്റ് റിട്ടേണിംഗ് ഓഫീസർമാർക്കായി ത്രിദിന പരിശീലന പരിപാടിക്ക് തുടക്കമായി.തിരഞ്ഞെടുപ്പ് പ്രഖ്യാപനം, പെരുമാറ്റചട്ടം, തിരഞ്ഞെടുപ്പ് വിജ്ഞാപനം, പത്രികാ സമർപ്പണം തുടങ്ങി  തിരഞ്ഞെടുപ്പുമായി ബന്ധപ്പെട്ട വിവിധ വിഷയങ്ങൾ ക്ലാസിൽ വിശകലനം ചെയ്തു. 

അടിമാലി, ദേവികുളം, ഇടുക്കി ബ്‌ളോക്ക് പഞ്ചായത്തുകളിലെയും 20 വിവിധ ഗ്രാമപഞ്ചായത്തുകളിലെയുമായി നൂറ് ഉദ്യോഗസ്ഥർ പരിശീലന പരിപാടിയിൽ പങ്കെടുത്തു. ബുധനാഴ്ച ആരംഭിച്ച പരിശീലന പരിപാടി വെള്ളിയാഴ്ച സമാപിക്കും. എ.ഡി. എം ഷൈജു.പി. ജേക്കബ്, ഡെപ്യൂട്ടി കളക്ടർ (ഇലക്ഷൻ) സൂസൻ വർഗീസ് എന്നിവർ പങ്കെടുത്തു.