വീട്ടിലെ ചുവരുകൾക്ക് ഒരേ നിറം നൽകുന്നതിന് പകരം കോൺട്രാസ്റ്റ് കളർ കോമ്പിനേഷനുകൾ തിരഞ്ഞെടുക്കുന്നത് ഇന്ന് ഇന്റീരിയർ ഡിസൈനിലെ പ്രധാന ട്രെൻഡാണ്. ശരിയായ നിറങ്ങൾ തിരഞ്ഞെടുക്കുന്നതിലൂടെ മുറികൾ കൂടുതൽ വിശാലവും ആകർഷകവുമായി തോന്നുകയും വീടിന് ആധുനിക ലുക്കും ലഭിക്കുകയും ചെയ്യും.

ഹാളിന്വീട്ടിന്റെ ഭംഗി കൂട്ടാൻ മികച്ച കോൺട്രാസ്റ്റ് കളർ ഐഡിയകൾ  

ഓഫ് വൈറ്റ് + നേവി ബ്ലൂ, ബീജ് + ഡാർക്ക് ബ്രൗൺ, ലൈറ്റ് ഗ്രേ + ചാർക്കോൾ ഗ്രേ എന്നീ കോമ്പിനേഷനുകൾ എലഗന്റായ ലുക്ക് നൽകും. ഒരു ചുവരിൽ മാത്രം ഡാർക്ക് ഷേഡ് നൽകുന്ന 'ആക്സെന്റ് വാൾ' രീതിയും ഇപ്പോൾ ഏറെ ജനപ്രിയമാണ്.

ബെഡ്റൂമിന്

സേജ് ഗ്രീൻ + ക്രീം, ഡസ്റ്റി ബ്ലൂ + വൈറ്റ്, ലാവെൻഡർ + ലൈറ്റ് ഗ്രേ എന്നിവ ശാന്തമായ അന്തരീക്ഷം സൃഷ്ടിക്കാൻ സഹായിക്കും.

കുട്ടികളുടെ മുറിക്ക്

സ്കൈ ബ്ലൂ + വൈറ്റ്, മിന്റ് ഗ്രീൻ + യെല്ലോ, പീച്ച് + ലൈറ്റ് ഗ്രേ തുടങ്ങിയ നിറങ്ങൾ മുറിക്ക് കൂടുതൽ പ്രസന്നത നൽകും.

അടുക്കളയ്ക്ക്

വൈറ്റ് + ഒലീവ് ഗ്രീൻ, ലൈറ്റ് ഗ്രേ + മസ്റ്റർഡ്, ക്രീം + ടർക്കോയിസ് തുടങ്ങിയ നിറങ്ങൾ അടുക്കളയ്ക്ക് വൃത്തിയും പുതുമയും നൽകും.

ഡൈനിംഗ് ഏരിയയ്ക്ക്

ടെറാക്കോട്ട + ക്രീം, ഓലീവ് ഗ്രീൻ + ബീജ്, വാം ഗ്രേ + വുഡ് ടോൺ നിറങ്ങൾ മനോഹരമായ അന്തരീക്ഷം ഒരുക്കും.

വിദഗ്ധരുടെ അഭിപ്രായത്തിൽ, മുറിയുടെ വലുപ്പം, പ്രകൃതിവെളിച്ചത്തിന്റെ അളവ്, ഫർണിച്ചറുകളുടെ നിറം എന്നിവ കണക്കിലെടുത്താണ് പെയിന്റ് തിരഞ്ഞെടുക്കേണ്ടത്. ചെറിയ മുറികളിൽ ഇളം നിറങ്ങൾ ഉപയോഗിക്കുന്നത് മുറി കൂടുതൽ വിശാലമായി തോന്നാൻ സഹായിക്കും. ഡാർക്ക് ഷേഡുകൾ ഒരു ചുവരിൽ മാത്രം ഉപയോഗിക്കുന്നത് മുറിക്ക് കൂടുതൽ ആഴവും ആകർഷണീയതയും നൽകും.

ശരിയായ കോൺട്രാസ്റ്റ് കളർ കോമ്പിനേഷനുകൾ തിരഞ്ഞെടുക്കുന്നതിലൂടെ വലിയ ചെലവില്ലാതെ തന്നെ വീടിന്റെ ഇന്റീരിയറിന് പുതുമയും സ്റ്റൈലിഷ് ലുക്കും നൽകാനാകും.