വയനാട് ദുരന്തം കഴിഞ്ഞ് ഒരാഴ്ചയായിട്ടും എംപി എത്തിയില്ല, പ്രിയങ്കയും രാഹുലും വിദേശ ടൂറിലോ? എന്തിന് ഇങ്ങനെയൊരു ജനപ്രതിനിധിയെന്ന് സോഷ്യല് മീഡിയ
വയനാട് അനക്കമ്പോയില് മേപ്പാടി ടണല് പദ്ധതി സൈറ്റിലുണ്ടായ മണ്ണിടിച്ചില് ദുരന്തം കഴിഞ്ഞ് ഒരാഴ്ചയായിട്ടും എംപി പ്രിയങ്ക ഗാന്ധി സ്വന്തം മണ്ഡലത്തിലെത്തിയില്ല
വയനാട്ടിലെ ജനങ്ങളുടെ പ്രതിനിധിയാണ് പ്രിയങ്ക. അവരുടെ സുരക്ഷ, ക്ഷേമം, പ്രശ്നങ്ങള് എന്നിവയ്ക്ക് മുന്ഗണന നല്കേണ്ടത് അവരുടെ പ്രാഥമിക കടമയാണ്.
കോഴിക്കോട്: വയനാട് അനക്കമ്പോയില് മേപ്പാടി ടണല് പദ്ധതി സൈറ്റിലുണ്ടായ മണ്ണിടിച്ചില് ദുരന്തം കഴിഞ്ഞ് ഒരാഴ്ചയായിട്ടും എംപി പ്രിയങ്ക ഗാന്ധി സ്വന്തം മണ്ഡലത്തിലെത്തിയില്ല. രാഹുല് ഗാന്ധിയും പ്രിയങ്കയും ടൂറിലാണെന്നാണ് വിമര്ശകര് പറയുന്നത്.
വയനാട്ടിലെ ജനങ്ങളുടെ പ്രതിനിധിയാണ് പ്രിയങ്ക. ജനങ്ങളുടെ സുരക്ഷ, ക്ഷേമം, പ്രശ്നങ്ങള് എന്നിവയ്ക്ക് മുന്ഗണന നല്കേണ്ടത് അവരുടെ പ്രാഥമിക കടമയാണ്. പ്രത്യേകിച്ച് ദുരന്തസമയത്ത്.
ഇത്രയും വലിയ ഉത്തരവാദിത്തമുള്ളയാള് ഒരാഴ്ചയായിട്ടും സ്ഥലത്തെത്തി നേരിട്ട് വിലയിരുത്തുകയോ ദുരിതാശ്വാസ ക്യാമ്പുകള് സന്ദര്ശിക്കുകയോ ചെയ്തിട്ടില്ലെന്നത് വലിയ വീഴ്ചയാണ്. ദുരന്ത ബാധിതരുമായി സംസാരിക്കുക, അവരുടെ വേദനയും ആവശ്യങ്ങളും മനസ്സിലാക്കുക, ദുരിതാശ്വാസപ്രവര്ത്തനം ഏകോപിപ്പിക്കുക തുടങ്ങിയവയെല്ലാം അവരുടെ ചുമതലയാണ്.
ജില്ലാ ഭരണകൂടം, സര്ക്കാര് ഏജന്സികള്, എന്ഡിആര്എഫ് തുടങ്ങിയവരുമായി തുടര്ച്ചയായി ബന്ധപ്പെട്ട് ആവശ്യമായ സഹായം ഉറപ്പാക്കേണ്ടതുണ്ട്. ദുരന്തം മനുഷ്യത്വത്തിന്റെ വിഷയമാണ്. കുടുംബ രാഷ്ട്രീയ താല്പ്പര്യങ്ങള്ക്ക് മുകളില് ജനങ്ങളുടെ പ്രശ്നങ്ങള്ക്ക് മുന്തൂക്കം നല്കേണ്ട വ്യക്തിയാണ് പ്രിയങ്ക.
വയനാട്ടില് മുന് എംപി രാഹുല് ഗാന്ധിയും പ്രിയങ്ക ഗാന്ധിയും പൊളിറ്റിക്കല് ടൂറിസ്റ്റുകളാണെന്നാണ് ബിജെപിയുടെ ആരോപണം. ബിജെപി ഐടി സെല് മേധാവി അമിത് മാല്വിയ ഉള്പ്പെടെയുള്ള നേതാക്കള് സോഷ്യല് മീഡിയയിലൂടെ ഇക്കാര്യം ചൂണ്ടിക്കാട്ടി. വയനാടിനെ രാഷ്ട്രീയ നിലനില്പ്പിനായി മാത്രം ഉപയോഗപ്പെടുത്തിയെന്നും, ജനങ്ങളോടുള്ള സഹാനുഭൂതി കാണിക്കുന്നില്ലെന്നും ബിജെപി ആരോപിച്ചു.
ജനപ്രതിനിധികള്ക്ക് വിദേശയാത്രകള്, പാര്ട്ടി പ്രവര്ത്തനങ്ങള് എന്നിവ അവകാശമാണ്. പക്ഷേ ദുരന്തബാധിത മണ്ണിലെ ജനങ്ങള്ക്ക് അവരുടെ പ്രതിനിധിയുടെ സാന്നിധ്യം ആവശ്യമാണ് സമയമാണ്. ഒരാഴ്ച കാത്തിരിക്കേണ്ടി വന്നത് ജനങ്ങളോടുള്ള അനീതിയാണ്.