മുഖത്തിന്റെ ആകൃതി നോക്കി ഒരു വ്യക്തിയുടെ ഒളിഞ്ഞിരിക്കുന്ന സ്വഭാവം മനസിലാക്കാം, നിങ്ങള് ഇക്കാര്യം പരീക്ഷിച്ചുനോക്കൂ
ഫേസ് റീഡിങ് വിദഗ്ധര് പറയുന്നതനുസരിച്ച് ഒരു വ്യക്തിയുടെ സ്വഭാവം അവരുടെ മുഖത്തിന്റെ ആകൃതി നോക്കി മനസിലാക്കാമെന്നാണ്. മുഖത്തിന്റെ ആകൃതി നിങ്ങളുടെ വ്യക്തിത്വ സവിശേഷതകളെക്കുറിച്ചും ജീവിതത്തിലെ വെല്ലുവിളികളെ എങ്ങനെ കൈകാര്യം ചെയ്യുന്നു എന്നതിനെക്കുറിച്ചും അടിസ്ഥാന ഉള്ക്കാഴ്ചകള് വെളിപ്പെടുത്തും.
വൃത്താകൃതിയിലോ, ചതുരാകൃതിയിലോ, ഓവല് ആകൃതിയിലോ, ഹൃദയാകൃതിയിലോ ഉള്ള മുഖത്തിന്റെ വിവിധ രൂപങ്ങള് നിങ്ങളുടെ വ്യക്തിത്വത്തെക്കുറിച്ച് എന്തെല്ലാം സൂചിപ്പിക്കുമെന്ന് ഓരോ വ്യക്തിക്കും അറിയാന് സാധിക്കും.
ഓവല് മുഖത്തിന്റെ വ്യക്തിത്വ സവിശേഷതകള്
ഓവല് മുഖത്തിന്റെ ആകൃതിയിലുള്ള വ്യക്തിത്വ സവിശേഷതകളിലൊന്ന് മറ്റുള്ളവരെ അവരിലേക്ക് ആകര്ഷിക്കാന് കഴിവുണ്ട് എന്നതാണ്. ഈ വ്യക്തികള് വളരെ ബുദ്ധിമാനും സഹാനുഭൂതിയുള്ളവരും മറ്റുള്ളവരെ സ്വാഗതം ചെയ്യുന്നവരുമാണ്. മറ്റൊരാളെ സുഖിപ്പിക്കുന്ന രീതിയില് വാക്കുകള് തേന് പോലെ ഉപയോഗിക്കാനറിയാം. പൊതുവെ ഉയര്ന്ന ഐക്യു ഉണ്ടെന്ന് ഇവര് അഭിമാനിക്കുന്നു. ധാരാളം ആശയങ്ങള് ഉള്ളതിനാല് നയതന്ത്രത്തിലും മികവ് പുലര്ത്തുന്നു.
ചതുര മുഖ വ്യക്തിത്വ സവിശേഷതകള്
ചതുരാകൃതിയിലുള്ള മുഖമുള്ളയാളാണെങ്കില് ഇവര് എപ്പോഴും ഊര്ജ്വസ്വലരായിരിക്കും. വലിയ പ്രോജക്ടുകള് ഏറ്റെടുക്കാന് എപ്പോഴും ഉത്സുകരുമായിരിക്കും. മത്സര സ്വഭാവം കാരണം പലപ്പോഴും ധനകാര്യത്തിലും ബിസിനസ്സിലും മികവ് പുലര്ത്തുന്നു. ഈ വ്യക്തികള്ക്ക് മൂര്ച്ചയുള്ള ബുദ്ധിയും വിശകലന മനസ്സും ഉണ്ട്.
ഒരു നല്ല തീരുമാനമെടുക്കുന്നയാളും ഉയര്ന്ന മത്സരശേഷിയുള്ള വ്യക്തിയും എന്ന നിലയില്, സമ്മര്ദമുള്ള ചുറ്റുപാടുകളെ പോലും ശാന്തതയോടെ നേരിടും. മൂല്യങ്ങളിലും വിശ്വാസങ്ങളിലും ആഴത്തില് വേരൂന്നിയ യാഥാസ്ഥിതികരാകാനും ഇവര്ക്ക് സാധിക്കും.
ഹൃദയമുഖ വ്യക്തിത്വ സവിശേഷതകള്
ഹൃദയ മുഖത്തിന്റെ ആകൃതിയുള്ള വ്യക്തികളാണെങ്കില് അവര് വിശാലമനസ്കരായിരിക്കും. ദൃഢചിത്തനും, വളരെ സര്ഗ്ഗാത്മകവും, ഊര്ജ്ജം നിറഞ്ഞ വ്യക്തിയുമായിരിക്കും ഇവര്. മൂര്ച്ചയുള്ള ഓര്മശക്തി ഇക്കൂട്ടരുടെ പ്രത്യേകതയാണ്. ചിലപ്പോഴൊക്കെ, അഭിപ്രായങ്ങള് പ്രകടിപ്പിക്കാനുള്ള ദൃഢനിശ്ചയം ശാഠ്യമോ ധിക്കാരമോ ആയി വന്നേക്കാം. ആഴത്തിലുള്ള ചിന്തകനും പുതിയ വിവരങ്ങളും ആശയങ്ങളും ഉള്ക്കൊള്ളാന് ഉത്സുകനായ വ്യക്തിയുമാണ് ഇവര്.
വൃത്താകൃതിയിലുള്ള മുഖത്തിന്റെ വ്യക്തിത്വ സവിശേഷതകള്
മുഖത്തിന്റെ ആകൃതി വൃത്താകൃതിയിലാണെങ്കില്, അവര് ദയയുള്ളവനും ഉദാരമനസ്കനും അസാധാരണ വ്യക്തിത്വമുള്ളയാളുമാണ്. മൃദുഭാഷിയായ ഒരാളെന്ന നിലയില്, പലപ്പോഴും മറ്റുള്ളവരുടെ സന്തോഷത്തിന് പ്രധാന്യം നല്കുന്നു. ഒരു സംശയവുമില്ലാതെ, ഒരാള്ക്ക് കണ്ടുമുട്ടാന് കഴിയുന്ന ഏറ്റവും നല്ല ആളുകളായിരിക്കും വൃത്തമുഖമുള്ളവര്.
വജ്ര മുഖം
വജ്രത്തിന്റെ ആകൃതിയിലുള്ള മുഖമുള്ള ആളുകള് സ്വന്തം ജീവിതത്തിന്റെ നിയന്ത്രണം ഏറ്റെടുക്കാന് ഇഷ്ടപ്പെടുന്നു. അതുപോലെ തന്നെ ഏത് സാഹചര്യത്തിന്റെയും ചുമതല അത് നല്ലതോ ചീത്തയോ ആയാലും ഏറ്റെടുക്കും. അവര് പ്രധാനപ്പെട്ട ഇവന്റുകള് 6 മാസം മുമ്പ് ആസൂത്രണം ചെയ്യുകയും അവിടെ സംഭവിക്കാന് പോകുന്ന എല്ലാ ചെറിയ കാര്യങ്ങളും തീരുമാനിക്കുകയും ചെയ്യും.
ത്രികോണ മുഖം
ഈ മുഖ രൂപമുള്ള ആളുകള് തികച്ചും വികാരാധീനര് ആയിരിക്കും. അവര് ഏത് തരത്തിലുള്ള ജോലിയില് ഏര്പ്പെട്ടാലും അവരുടെ മനസ്സിലും ഹൃദയത്തിലും എപ്പോഴും ഒരു ലക്ഷ്യമുണ്ട്. അവരുടെ ആഗ്രഹങ്ങള് നിറവേറ്റുന്നതിനും വളരെയധികം പരിശ്രമിക്കുന്നു. അതിനാലാണ് കാര്യങ്ങള് നടക്കാത്തപ്പോള് അത് വളരെ നിരാശാജനകമാകുന്നത്.