റാഞ്ചി: ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് (ഐഐഎം) റാഞ്ചി 2025-26 അക്കാദമിക് സെഷന്റെ ഫൈനല്‍ പ്ലേസ്മെന്റ് റിപ്പോര്‍ട്ട് പ്രകാശനം ചെയ്തു. ഈ വര്‍ഷം ശ്രദ്ധേയമായ പ്രകടനമാണ് ഐഐഎം റാഞ്ചി നടത്തിയത്.

എക്‌സിക്യൂട്ടീവ് എംബിഎ 2024-26 സമ്മര്‍ ബാച്ചിലെ ഒരു വിദ്യാര്‍ത്ഥി ലീഡര്‍ഷിപ്പ് റോളിന് 1.2 കോടി രൂപ എന്ന ഏറ്റവും ഉയര്‍ന്ന വാര്‍ഷിക ശമ്പള പാക്കേജ് നേടി.  മള്‍ട്ടിനാഷണല്‍ കമ്പനികള്‍ ഉള്‍പ്പെടെ മികച്ച ഓഫറുകള്‍ വിദ്യാര്‍ത്ഥികള്‍ക്ക് ലഭിച്ചു.

എംബിഎ പ്രോഗ്രാമില്‍ ഏറ്റവും ഉയര്‍ന്ന പാക്കേജ് 52.50 ലക്ഷം രൂപയാണ്. ടോപ് 25% വിദ്യാര്‍ത്ഥികളുടെ ശരാശരി പാക്കേജ് 24.83 ലക്ഷം രൂപയും മൊത്തം ശരാശരി പാക്കേജ് 19.24 ലക്ഷം രൂപയുമായി.

എംബിഎ-എച്ച്ആര്‍എമ്മില്‍ 40.54% വിദ്യാര്‍ത്ഥികള്‍ക്ക് പ്രീ-പ്ലേസ്മെന്റ് ഓഫറുകള്‍ ലഭിച്ചു. ഏറ്റവും ഉയര്‍ന്ന പാക്കേജ് 22.75 ലക്ഷം രൂപയാണ്. എംബിഎ-ബിസിനസ് അനലിറ്റിക്‌സില്‍ ഏറ്റവും ഉയര്‍ന്ന പാക്കേജ് 32.13 ലക്ഷം രൂപയും മൊത്തം ശരാശരി പാക്കേജ് 20.99 ലക്ഷം രൂപയുമാണ്.

പ്ലേസ്മെന്റ് ഡ്രൈവില്‍ പങ്കെടുത്തവരില്‍ 72.83% ഫ്രഷേഴ്‌സ് ആയിരുന്നു. കോര്‍പ്പറേറ്റ് റിലേഷന്‍സ് ടീം 53 പുതിയ കമ്പനികളെ സന്ദര്‍ശിച്ചു. 70-ലധികം ഇന്‍ഡസ്ട്രി ലീഡേഴ്‌സ് ക്യാമ്പസില്‍ ലീഡര്‍ഷിപ്പ് ടോക്‌സ് നല്‍കി.

ഐടി, ബാങ്കിങ്, കണ്‍സള്‍ട്ടിങ്, ഫിനാന്‍ഷ്യല്‍ സര്‍വീസസ്, ഓട്ടോമോട്ടീവ് തുടങ്ങിയ മേഖലകളിലെ പ്രമുഖ കമ്പനികളായ Amazon, SAP Labs, D.E. Shaw, JPMorgan Chase, HSBC, Deloitte, Accenture, Maruti Suzuki തുടങ്ങിയവ ക്യാമ്പസ് റിക്രൂട്ട്മെന്റിനായി എത്തിയിരുന്നു.