ഒരു നിക്ഷേപകന്‍ തന്റെ 20 ലക്ഷം രൂപ 15 വര്‍ഷത്തിനുള്ളില്‍ 3 കോടി രൂപയാക്കി മാറ്റാന്‍ ആഗ്രഹിക്കുന്നു. ഇതിനായി അദ്ദേഹം നിലവില്‍ ചില മ്യൂച്വല്‍ ഫണ്ടുകളില്‍ നിക്ഷേപം നടത്തുന്നുണ്ട്. എന്നാല്‍, ലക്ഷ്യം കൈവരിക്കാന്‍ എന്ത് ചെയ്യണം എന്ന ചോദ്യത്തിന് വിദഗ്ധര്‍ നല്‍കുന്ന ഉപദേശം ഇങ്ങനെ.

നിലവിലെ പോര്‍ട്ട്‌ഫോളിയോയില്‍ കൂടുതല്‍ സ്ഥിരതയും ബലവും നല്‍കാന്‍ ലോ-കോസ്റ്റ് നിഫ്റ്റി 50 ഇന്‍ഡക്‌സ് ഫണ്ട് ഉപയോഗിക്കാന്‍ വിദഗ്ധന്‍ ശുപാര്‍ശ ചെയ്യുന്നു. പ്രതിമാസം അധികമായി 20,000 രൂപ എസ്‌ഐപി നിഫ്റ്റി 50 അടിസ്ഥാനമാക്കിയുള്ള ഫണ്ടുകളിലേക്ക് (ഉദാഹരണം: DSP Nifty 50 Fund അല്ലെങ്കില്‍ UTI Nifty 50 Fund) മാറ്റി നല്‍കാന്‍ നിര്‍ദേശിക്കുന്നു. ഇത് പോര്‍ട്ട്‌ഫോളിയോയ്ക്ക് ഒരു ശക്തമായ ലാര്‍ജ്-ക്യാപ് അടിത്തറ നല്‍കും.

നിലവിലെ ഫ്‌ലെക്‌സി-ക്യാപ്, മിഡ്ക്യാപ്, സ്മാള്‍-ക്യാപ് ഫണ്ടുകള്‍ തുടരാം. പക്ഷേ, പോര്‍ട്ട്‌ഫോളിയോ വളരുമ്പോള്‍ മിഡ്-ക്യാപ്, സ്മാള്‍-ക്യാപ് അലോക്കേഷന്‍ ക്രമേണ വര്‍ധിപ്പിക്കാവുന്നതാണ്. നിലവിലെ ഫണ്ടുകള്‍ വില്‍ക്കരുത് എന്നാണ് പ്രധാന ഉപദേശം. പകരം, ക്ഷമയോടെ തുടരുകയും പുതിയ എസ്‌ഐപി വഴി പോര്‍ട്ട്‌ഫോളിയോ ശക്തിപ്പെടുത്തുകയും വേണം.

നിക്ഷേപകര്‍ തങ്ങളുടെ റിസ്‌ക് പ്രൊഫൈല്‍, ഫിനാന്‍ഷ്യല്‍ ഗോളുകള്‍ എന്നിവ കണക്കിലെടുത്ത് ഒരു സര്‍ട്ടിഫൈഡ് ഫിനാന്‍ഷ്യല്‍ അഡൈ്വസറുമായി കൂടിയാലോചിക്കുന്നത് നല്ലതാണ്. കമ്പൗണ്ടിങ്, ഡിസിപ്ലിന്‍ഡ് എസ്‌ഐപി, ഡൈവേഴ്‌സിഫിക്കേഷന്‍ എന്നിവയാണ് ദീര്‍ഘകാല സമ്പത്ത് സൃഷ്ടിയുടെ രഹസ്യം.