ഇലോണ്‍ മസ്‌കിന് പാരവെച്ച് അംബാനി?, സ്റ്റാര്‍ ലിങ്ക് എത്തിയാല്‍ ജിയോയ്ക്ക് പണിയാകും, മത്സരം കടുത്താല്‍ കുറഞ്ഞ വിലയ്ക്ക് ഇന്റര്‍നെറ്റ്
ഇന്ത്യയിലെ ടെലികോം മേഖലയില്‍ നിലവില്‍ വലിയൊരു ഏറ്റുമുട്ടല്‍ നടക്കുകയാണ്. ഒരു വശത്ത് ലോകത്തിലെ ഏറ്റവും സമ്പന്നരില്‍ ഒരാളായ ഇലോണ്‍ മസ്‌കും അദ്ദേഹത്തിന്റെ സ്റ്റാര്‍ലിങ്കും.
ഇന്ത്യയിലെ ബ്രോഡ്ബാന്‍ഡ് വിപണിയില്‍ ജിയോയ്ക്ക് വലിയ ആധിപത്യമുണ്ട്. ജിയോയും എയര്‍ടെലും ചേര്‍ന്ന് 80 ശതമാനത്തിലധികം മാര്‍ക്കറ്റ് ഷെയര്‍ നിയന്ത്രിക്കുന്നു.
മസ്‌കും അദ്ദേഹത്തിന്റെ സ്റ്റാര്‍ലിങ്കും. മറുവശത്ത് ഇന്ത്യയിലെ ഏറ്റവും സമ്പന്നനായ മുകേഷ് അംബാനിയും റിലയന്‍സ് ജിയോയും. സാറ്റലൈറ്റ് ഇന്റര്‍നെറ്റ് സേവനം ഇന്ത്യയില്‍ ആരംഭിക്കുന്നതിനുള്ള അനുമതി ലഭിക്കാത്തതിനെച്ചൊല്ലിയാണ് തര്‍ക്കം രൂക്ഷമായിരിക്കുന്നത്.
ഇലോണ്‍ മസ്‌കിന്റെ എക്‌സില്‍ പോസ്റ്റുകള്‍ ഇപ്പോള്‍ വിവാദം സജീവമാക്കി. ചില ഒലിഗാര്‍ക്കുകള്‍ ഇന്ത്യന്‍ ജനതയുടെ മേലുള്ള മോണോപൊളിസ്റ്റിക് ചോക്ക്ഹോള്‍ഡ് നിലനിര്‍ത്താന്‍ സ്റ്റാര്‍ലിങ്കിനെ തടയുകയാണ്. ഇത് ഇന്ത്യന്‍ ജനതയ്‌ക്കെതിരായ ഒരു കുറ്റകൃത്യമാണ്, ആരാണെന്ന് നിങ്ങള്‍ക്ക് ഊഹിക്കാം, എന്ന് അദ്ദേഹം പറഞ്ഞു.
ഇന്ത്യന്‍ സര്‍ക്കാര്‍ ഈ ആരോപണം അടിസ്ഥാനരഹിതം എന്ന് തള്ളിയതിന് ശേഷം മസ്‌ക് കൂടുതല്‍ കാര്യങ്ങള്‍ തുറന്നുപറഞ്ഞു. സ്റ്റാര്‍ലിങ്ക് 165-ലധികം രാജ്യങ്ങളില്‍ ലൈസന്‍സ് നേടിയിട്ടുണ്ട്. ഇന്ത്യന്‍ ഗവണ്‍മെന്റിന്റെ എല്ലാ നിയമങ്ങളും ആവശ്യകതകളും അഞ്ച് വര്‍ഷമായി പാലിച്ചിട്ടും എന്തുകൊണ്ട് ഇപ്പോഴും ലൈസന്‍സ് ഇല്ല? അംബാനി തന്നെയാണോ ഇന്ത്യയുടെ യഥാര്‍ത്ഥ ബോസ്? എന്നാണ് മസ്‌കിന്റെ ചോദ്യം.
സ്റ്റാര്‍ലിങ്ക്, ജിയോ സാറ്റലൈറ്റ് കമ്മ്യൂണിക്കേഷന്‍സ് (റിലയന്‍സ്), വണ്‍വെബ് ഇന്ത്യ (ഭാരതി ഗ്രൂപ്പ്) ഈ മൂന്ന് കമ്പനികള്‍ക്കും GMPCS ലൈസന്‍സ് ലഭിച്ചിട്ടുണ്ടെന്നാണ് ടെലികമ്മ്യൂണിക്കേഷന്‍സ് മന്ത്രാലയം വ്യക്തമാക്കുന്നത്. നിലവില്‍ മൂന്നും സെക്യൂരിറ്റി അസസ്മെന്റ് ഘട്ടത്തിലാണ്. ഇത് പൂര്‍ത്തിയായ ശേഷമേ സ്‌പെക്ട്രം അസൈന്‍മെന്റിന് അപേക്ഷിക്കാനാകൂ. മൂന്ന് കമ്പനികളും ഏകദേശം ഒരേ റെഗുലേറ്ററി ഘട്ടത്തിലാണ് എന്നും സര്‍ക്കാര്‍ പറഞ്ഞു.
ഇന്ത്യയിലെ ബ്രോഡ്ബാന്‍ഡ് വിപണിയില്‍ ജിയോയ്ക്ക് വലിയ ആധിപത്യമുണ്ട്. ജിയോയും എയര്‍ടെലും ചേര്‍ന്ന് 80 ശതമാനത്തിലധികം മാര്‍ക്കറ്റ് ഷെയര്‍ നിയന്ത്രിക്കുന്നു. സ്റ്റാര്‍ലിങ്ക് വന്നാല്‍, പ്രത്യേകിച്ച് ഗ്രാമീണ മേഖലകളിലും ടവര്‍ ഇല്ലാത്ത പ്രദേശങ്ങളിലും ഉയര്‍ന്ന വേഗതയുള്ള ഇന്റര്‍നെറ്റ് ലഭ്യമാകും. മസ്‌ക് തന്നെ പറയുന്നത്, നിലവിലെ വില താങ്ങാനാവാത്തവര്‍ക്കും കണക്ഷന്‍ ഇല്ലാത്തവര്‍ക്കും സ്റ്റാര്‍ലിങ്ക് സഹായകരമാകുമെന്നാണ്.
ജിയോയും കൂടുതല്‍ തയ്യാറെടുക്കുകയാണ്. ജിയോ ഏകദേശം 1,600 ലോ എര്‍ത്ത് ഓര്‍ബിറ്റ് സാറ്റലൈറ്റുകളുടെ ഒരു സ്വന്തം നെറ്റ്വര്‍ക്ക് ആസൂത്രണം ചെയ്യുന്നു. 23 ഗ്രൗണ്ട് സ്റ്റേഷനുകളും ഉള്‍പ്പെടുത്തിയാണ് ഈ പദ്ധതി. IN-SPACe ഈ നിര്‍ദ്ദേശത്തെ സാങ്കേതികമായി ശരിയാണെന്ന് കണ്ടെത്തിയിട്ടുണ്ട്. അതായത്, ജിയോയും സ്വന്തം സാറ്റലൈറ്റ് ഇന്റര്‍നെറ്റ് സേവനം കൊണ്ടുവരാന്‍ തയ്യാറെടുക്കുകയാണ്.
രസകരമായ ഒരു വസ്തുത, ജിയോയും എയര്‍ടെലും സ്റ്റാര്‍ലിങ്കുമായി പങ്കാളിത്ത കരാറുകള്‍ ഒപ്പിട്ടിട്ടുണ്ട്. അതായത്, സ്റ്റാര്‍ലിങ്ക് അനുമതി ലഭിച്ചാല്‍ അതിന്റെ സേവനം ജിയോയുടെയും എയര്‍ടെലിന്റെയും വഴിയും വിതരണം ചെയ്യാനുള്ള സാധ്യതയുണ്ട്. അതേസമയം ജിയോ സ്വന്തം സാറ്റലൈറ്റ് നെറ്റ്വര്‍ക്കും വികസിപ്പിക്കുന്നു. ഇത് മത്സരവും പങ്കാളിത്തവും ഒരുമിച്ച് നടക്കുന്ന ഒരു സങ്കീര്‍ണ്ണ സാഹചര്യമാണ്.
നേരത്തെ സാറ്റലൈറ്റ് സ്‌പെക്ട്രം ലേലം ചെയ്യണോ, അതോ അഡ്മിനിസ്‌ട്രേറ്റീവ് ആയി നല്‍കണോ എന്ന തര്‍ക്കം ഉണ്ടായിരുന്നു. ജിയോയും എയര്‍ടെലും ലേലം വേണമെന്ന് വാദിച്ചു (കാരണം അവര്‍ മൊബൈല്‍ സ്‌പെക്ട്രത്തിന് വലിയ തുക നല്‍കിയിട്ടുണ്ട്). സ്റ്റാര്‍ലിങ്ക് അഡ്മിനിസ്‌ട്രേറ്റീവ് അലോക്കേഷന്‍ ആവശ്യപ്പെട്ടു. ഒടുവില്‍ സര്‍ക്കാര്‍ അഡ്മിനിസ്‌ട്രേറ്റീവ് റൂട്ട് തിരഞ്ഞെടുത്തു.
ഇപ്പഴത്തേത് വെറും ബിസിനസ് മത്സരമല്ല. ഇന്ത്യയിലെ ഡിജിറ്റല്‍ കണക്റ്റിവിറ്റി, ദേശീയ സുരക്ഷ, വിദേശ കമ്പനികളുടെ പ്രവേശനം, ആഭ്യന്തര ഭീമന്മാരുടെ സ്വാധീനം ഇവയെല്ലാം കൂടിച്ചേര്‍ന്ന ഒരു സങ്കീര്‍ണ്ണ രാഷ്ട്രീയ ബിസിനസ് യുദ്ധമാണ്. സ്റ്റാര്‍ലിങ്ക് വന്നാല്‍ ജിയോയുടെ ആധിപത്യത്തിന് വെല്ലുവിളി ഉയരും എന്നത് വ്യക്തമാണ്. എന്നാല്‍, ജിയോയും സ്വന്തം സാറ്റലൈറ്റ് ശേഷി വികസിപ്പിച്ചുകൊണ്ടിരിക്കുന്നതിനാല്‍, ദീര്‍ഘകാല മത്സരം നടന്നേക്കും.