യുവാവിനെ കിണറ്റില് വീണ് മരിച്ച നിലയില് കണ്ടെത്തി
എറണാകുളം കിഴക്കമ്പലത്തിനടുത്ത് ഊരാക്കാട് സ്വകാര്യ റൈസ് മില്ലിന് സമീപത്തെ കിണറ്റിലാണ് മൃതദേഹം കണ്ടെത്തിയത്.
May 10, 2026, 12:53 IST
തിരുവനന്തപുരം കിളിമാനൂര് പുളിമാത്ത് സ്വദേശി പ്രവീണ് (38) ആണ് മരിച്ചത്.
ഡ്രൈവറെ കിണറ്റില് വീണ് മരിച്ച നിലയില് കണ്ടെത്തി. തിരുവനന്തപുരം കിളിമാനൂര് പുളിമാത്ത് സ്വദേശി പ്രവീണ് (38) ആണ് മരിച്ചത്. എറണാകുളം കിഴക്കമ്പലത്തിനടുത്ത് ഊരാക്കാട് സ്വകാര്യ റൈസ് മില്ലിന് സമീപത്തെ കിണറ്റിലാണ് മൃതദേഹം കണ്ടെത്തിയത്.
രാവിലെ ഏഴരയോടെയാണ് മൃതദേഹം കിണറ്റില് കണ്ടെത്തിയത്. പ്രവീണ് മില്ലിലെ ഡ്രൈവറായി ജോലി ചെയ്തു വരികയായിരുന്നു. സംഭവത്തില് തടിയിട്ട പറമ്പ് പൊലീസ് അന്വേഷണം തുടങ്ങി.