നിയന്ത്രണം വിട്ട ബൈക്ക് കടയുടെ ഭിത്തിയില് ഇടിച്ച് യുവാവ് മരിച്ചു
നിയന്ത്രണം വിട്ട ബൈക്ക് കടയുടെ ഭിത്തിയില് ഇടിച്ച് യുവാവ് മരിച്ചു. കൊയിലാണ്ടിയിലാണ് അപകടം നടന്നത്. ബൈക്ക് യാത്രക്കാരനായ നാനോത്ത് മീത്തല് സുനിലിന്റെ മകൻ എൻ അജയ് (22) ആണ് മരിച്ചത്.
അപകടത്തില് അജയ്ക്കൊപ്പം ബൈക്കില് ഒപ്പമുണ്ടായിരുന്ന പന്തലായനി കാട്ടുവയല് താഴത്ത് കെടി ആദർശിനു (25) ഗുരുതരമായി പരിക്കേറ്റു
കൊയിലാണ്ടി: നിയന്ത്രണം വിട്ട ബൈക്ക് കടയുടെ ഭിത്തിയില് ഇടിച്ച് യുവാവ് മരിച്ചു. കൊയിലാണ്ടിയിലാണ് അപകടം നടന്നത്. ബൈക്ക് യാത്രക്കാരനായ നാനോത്ത് മീത്തല് സുനിലിന്റെ മകൻ എൻ അജയ് (22) ആണ് മരിച്ചത്.
അപകടത്തില് അജയ്ക്കൊപ്പം ബൈക്കില് ഒപ്പമുണ്ടായിരുന്ന പന്തലായനി കാട്ടുവയല് താഴത്ത് കെടി ആദർശിനു (25) ഗുരുതരമായി പരിക്കേറ്റു.ഗുരുതരമായി ആദർശ് കോഴിക്കോട് മെഡിക്കല് കോളജ് ആശുപത്രിയില് ചികിത്സയില് കഴിയുകയാണ്.ഞായർ പുലർച്ചെയാണ് അപകടമുണ്ടായത്.
ഇരുവരും ബപ്പങ്ങാട് അണ്ടർ പാസേജ് വഴി ടൗണിലേക്ക് യാത്ര ചെയ്യുന്നതിനിടെ ബൈക്ക് നിയന്ത്രണം വിട്ട് സമീപത്തെ കടയുടെ ഭിത്തിയിലും പോസ്റ്റിലും ഇടിക്കുകയായിരുന്നു. മൃതദേഹം പോസ്റ്റുമോർട്ടം നടപടികള്ക്കായി കോഴിക്കോട് മെഡിക്കല് കോളജ് ആശുപത്രി മോർച്ചറിയിലേക്ക് മാറ്റി. മരിച്ച അജയ് താമരശ്ശേരി ഇൻഡസ് മോട്ടോഴ്സില് ഇലക്ട്രീഷ്യനായി ജോലി ചെയ്യുകയായിരുന്നു. മാതാവ്: നിഷ. ഒരു സഹോദരിയുണ്ട്.