പാലക്കാട് ഹൈബ്രിഡ് കഞ്ചാവുമായി യുവാവ് പിടിയില്
ബങ്കോക്കില് നിന്ന് കടത്തി കൊണ്ട് വന്ന ഹൈബ്രിഡ് കഞ്ചാവുമായി യുവാവ് പിടിയില്. പട്ടാമ്പി കപ്പൂര് കാഞ്ഞാരത്താണി മുഹമ്മദ് യാസീറാ(26)ണ് വാളയാര് എക്സൈസ് ചെക്ക് പോസ്റ്റില് വാഹന പരിശോധക്കിടെ പിടിയിലായത്.
പാലക്കാട്: ബങ്കോക്കില് നിന്ന് കടത്തി കൊണ്ട് വന്ന ഹൈബ്രിഡ് കഞ്ചാവുമായി യുവാവ് പിടിയില്. പട്ടാമ്പി കപ്പൂര് കാഞ്ഞാരത്താണി മുഹമ്മദ് യാസീറാ(26)ണ് വാളയാര് എക്സൈസ് ചെക്ക് പോസ്റ്റില് വാഹന പരിശോധക്കിടെ പിടിയിലായത്. ഇന്നലെ രാവിലെ ഏഴരക്ക് കോയമ്പത്തൂരില് നിന്ന് എയര്ബസില് പാലക്കാട്ടേക്ക് വരുന്നതിനിടെയാണ് പ്രതി പിടിയിലായത്. ബാങ്കോക്കിലെ പാപ്പിച്ചി സ്ഥലത്ത് നിന്ന് സുഹൃത്തില് നിന്ന് ഒരു ഗ്രാമിന് 2000 രൂപ കൊടുത്താണ് വാങ്ങിയത്.
ഇത് വിപണിയില് 22,000 രൂപയോളം ലഭിക്കുമെന്ന് പ്രതി എക്സൈസില് മൊഴി നല്കി.നൂതന സാങ്കേതിക വിദ്യയിലൂടെയാണ് ഹൈബ്രിഡ് കഞ്ചാവ് വളര്ത്തിയെടുക്കുന്നത്. തുച്ഛമായ വിലയില് ബങ്കോക്കില് നിന്ന് ലഭിക്കുന്ന ഇത് സംസ്ഥാനത്ത് വന്വിലക്കാണ് നല്കുന്നത്. സ്വന്തം ഉപയോഗത്തിനും സുഹൃത്തുക്കള്ക്ക് വില്പന നടത്തുന്നതിനും വേണ്ടിയാണ് ഹൈബ്രിഡ് കഞ്ചാവ് കൊണ്ട് വന്നതെന്ന് പ്രതി സമ്മതിച്ചതായി എക്സൈസ് അധികൃതര് പറഞ്ഞു.
എക്സൈസ് ഇന്സ്പെക്ടര് സി.എന്. മനോജ് കുമാര്, അസിസ്റ്റന്റ് എക്സൈസ് ഇന്സ്പെക്ടര് ഗ്രേഡ് പ്രഭ ജി., പ്രിവന്റീവ് ഓഫീസര് ഗ്രേഡ് കെ.പി. രാജേഷ്, മനോജ് പി.എസ്, സിവില് എക്സൈസ് ഓഫീസര് ഉണ്ണികൃഷ്ണന് എന്നിവര് പരിശോധനക്ക് നേതൃത്വം നല്കി.