കോട്ടയം :  കുമരകത്ത് ഭക്ഷ്യവിഷബാധയെ തുടർന്ന് യുവാവ് മരിച്ച സംഭവത്തില്‍ കള്ള് ഷാപ്പിന്റെ ലൈസൻസ് സസ്പെൻഡ് ചെയ്തു.പരിപ്പ് തൊള്ളയിരംചിറ ഷാപ്പിൻ്റെ ലൈസൻസാണ് സസ്പെൻഡ് ചെയ്തത്. കള്ള് ഷാപ്പ് വൃത്തിഹീനമായ സാഹചര്യത്തില്‍ പ്രവർത്തിച്ചു എന്ന ഭക്ഷ്യസുരക്ഷ വകുപ്പിന്റെ കണ്ടെത്തല്‍ തുടർന്നാണ് നടപടി.

എക്സൈസ് കമ്മീഷണറുടെ ഹിയറിങ്ങിന് ശേഷം ലൈസൻസ് സ്ഥാപിക്കുന്നതില്‍ തീരുമാനമെടുക്കും. ഷാപ്പ് ലൈസൻസി, മാനേജർ, കുക്ക് എന്നിവർക്കെതിരെ പൊലീസ് നേരത്തെ കേസെടുത്തിരുന്നു. ഇവർ മുൻ‌കൂർ ജാമ്യ അപേക്ഷയും നല്‍കിയിട്ടുണ്ട്.